Levitico 23:10 - Marahay na Bareta Biblia

¹⁰ “Sabihan mo an banwaan nin Israel na kun maglaog na kamo sa dagang itinatao ko saindo asin mag-ani na kamo, dadarahon nindo sa padi an enot na ginuygoy kan enot nindong inani.

Levitico 23:10 ပူးပေါင်းရင်းမြစ်များ

Exodo 22:29

“Dai nindo pag-abalahon an pagdolot nin mga tinagba kan saindong inani, kan saindong arak asin kan lana na hale sa mga oliba. “Itao nindo sakuya an saindong matuang aking lalaki.

Exodo 23:16

“Selebraron nindo an Pyesta nin Pag-ani pagpoon kan saindong pag-ani kan mga bunga nin saindong kapagalan, nin saindong tinanom sa oma. “Sa kataposan kan taon selebraron nindo an Pyesta nin mga Harong-harong kun gunoon na nindo asin tiponon an mga bunga kan saindong ubasan, asin kan iba pang mga kahoy.

Exodo 23:19

“Taon-taon dadarahon nindo sa harong nin Kagurangnan na saindong Dios an pinakamarahay sa mga enot na bunga kan saindong daga. “An ogbon na karnero o kanding dai nindo paglutoon sa gatas nin saiyang ina.

Exodo 34:22

“Selebraron nindo an Pyesta nin Mga Semana pagpoon kan saindong pag-ani kan enot na bunga nin trigo, asin sa kataposan kan taon, selebraron nindo an Pyesta nin mga Harong-harong.

Exodo 34:26

“Taon-taon dadarahon nindo sa harong nin Kagurangnan na saindong Dios an pinakamarahay sa mga enot na bunga kan saindong daga. “An ogbon na karnero o kanding, dai nindo paglutoon sa gatas nin saiyang ina.”

Ezekiel 44:30

Mapapasainda an pinakamarahay kan gabos na enot na ani, asin kan gabos na idinolot sako. Sa lambang paggibo nin tinapay kan mga tawo, itatao ninda sa mga padi an enot na naluto bilang atang, tanganing mag-abot sa saindang mga harong an sakuyang bendisyon.

Levitico 14:34

an minasunod na pagsusundon manongod sa mga harong na naolakitan kan naglalakop na alamag. (An mga ini susunodon kan banwaan nin Israel pakalaog ninda sa Canaan, an daga na itatao sainda nin Kagurangnan bilang saindang pagsadiri).

Levitico 23:11

Iiitaas iyan sa Kagurangnan bilang sarong espesyal na dolot tanganing akoon kamo. Idodolot iyan kan padi pagkaaga pakatapos kan aldaw nin Sabbath.

Levitico 23:17

An lambang pamilya madara nin duwang tinapay na idodolot sa Kagurangnan bilang sarong espesyal na dolot. An lambang tinapay kaipuhan linuto hale sa duwang kilong arina na may lebadura. Idodolot iyan sa Kagurangnan bilang enot na bunga kan inani.

Levitico 23:9

Tinaraman nin Kagurangnan si Moises,

Mga Bilang 15:2

an minasunod na pagsusundon para sa mga Israelita sa daga na itatao niya sainda.

Mga Bilang 28:26

Sa enot na aldaw kan Pyesta nin Pag-ani, pagdara nindo sa Kagurangnan kan dolot na bagong trigo, magtiripon kamo sa pagsamba asin dai kamo magtrabaho.

Roma 11:16

Kun an enot na pedaso nin tinapay idinodolot sa Dios, an bilog na tinapay idinodolot na man saiya; kun an gamot nin sarong kahoy idinodolot sa Dios, an mga sanga kaiyan idinodolot man saiya.

Deuteronomio 16:9

“Sa panahon na magpoon kamo nin pag-ani, bumilang kamo nin pitong semana,

Santiago 1:18

Sa kabotan niya linalang niya kita sa paagi kan tataramon nin katotoohan, tanganing kita an magin orog sa gabos niyang linalang.

Kapahayagan 14:4

Ini an mga lalaking dai nadigtaan nin mga babae, huli ta mga mabini sinda; sinda an nagsusunod sa Kordero saen man siya magduman. Sinda an mga tinubos hale sa gabos na katawohan bilang enot na mga bunga para sa Dios saka sa Kordero.

Ruth 1:22

Kaya nagbalik si Naomi hale sa Moab kaiba an saiyang Moabitang manugang na si Ruth. Kan mag-abot sinda sa Betlehem, nagpopoon pa sana an pag-ani kan sebada.