Levitico 22:32 - Marahay na Bareta Biblia

³² Dai nindo pagdarahan nin kasosopgan an sakong banal na ngaran; kaipuhan mamidbidan kan bilog na Israel na ako banal. Ako an Kagurangnan, asin ako an nagpapabanal saindo.

Levitico 22:32 ပူးပေါင်းရင်းမြစ်များ

Isaias 5:16

Alagad ipinapahiling kan Kagurangnan nin mga hukbo an saiyang kadakulaan huli sa paggibo nin tama, asin ipinapahayag niya an saiyang kabanalan huli sa paghukom kan saiyang banwaan.

Isaias 8:13

Giromdoma na ako, an Kagurangnan nin mga hukbo, banal; ako an saimong dapat na matakotan.

Levitico 10:3

Dangan sinabihan ni Moises si Aaron, “Iyo ini an itinaram nin Kagurangnan, ‘An gabos na naglilingkod sako, kaipuhan maggalang kan sakong kabanalan; ipapahiling ko an sakong kamurawayan sa sakong banwaan.’” Dai naggirong si Aaron.

Levitico 18:21

Dai nindo ipagtao an arin man sa saindong mga aki tanganing tutongon para sa dios na si Molec, huli ta dadarahan nindo nin kasosopgan an ngaran kan saindong Dios, an Kagurangnan.

Levitico 20:8

Kuyogon nindo an sakong mga togon, huli ta ako an Kagurangnan, asin ako an nagpapabanal saindo.”

Levitico 21:15

tanganing dai madigtaan an saiyang mga aki sa tahaw kan saiyang banwaan; huli ta ako an Kagurangnan, asin ako an naglaen saiya bilang Halangkaw na Padi.”

Levitico 21:8

Kaipuhan na midbidon kan banwaan na an padi banal huli ta siya an minadara sako kan mga dolot na pagkakan. Ako an Kagurangnan; ako banal asin ako an nagpapabanal sa sakong banwaan.

Levitico 22:16

huli sa pagpakakan kaiyan sa mga bakong maninigo; magdadara iyan nin kasalan asin padusa sa tawong iyan. Ako an Kagurangnan asin ako an nagpapabanal kan mga dolot.”

Levitico 22:2

“Sabihan mo si Aaron asin an saiyang mga aki na dai ninda pagdarahan nin kasosopgan an banal kong ngaran, kaya galangan ninda an mga banal na dolot na dinadara sako kan mga Israelita. Ako an Kagurangnan.

Levitico 22:31

“Kuyogon nindo an sakong mga pagboot; ako an Kagurangnan.

Levitico 22:33

Ako an kuminua saindo hale sa Egipto tanganing magin saindong Dios. Ako an Kagurangnan.”

Mateo 6:9

Arog kaini an pagpamibi nindo: ‘Ama nyamong nasa langit, Sambahon an ngaran mo;

Lukas 11:2

Sinabihan sinda ni Jesus, “Kun mamibi kamo, ini an sabihon nindo: ‘Ama, sambahon an ngaran mo, dumatong logod an Kahadean mo.

Juan 17:17

Pakabanalon mo sinda sa katotoohan; an tataramon mo katotoohan.

1 Corinto 1:2

Para sa simbahan nin Dios sa Corinto, sa gabos na kinonsagra ki Cristo Jesus, inapod na magin banal kaiba kan gabos na tawo saen man na lugar na nagsasamba sa satong Kagurangnan na Jesu-Cristo, an Kagurangnan ninda asin Kagurangnan man nyato: