Levitico 22:22 - Marahay na Bareta Biblia

²² Dai kamo magdolot sa Kagurangnan nin arin man na hayop na buta o pilay o igwang pinutolan sa hawak, o may gatok sa kublit o pigsa o sangaw. Dai nanggad kamo magdolot nin siring na hayop sa altar bilang dolot na pagkakan.

Levitico 22:22 ပူးပေါင်းရင်းမြစ်များ

Levitico 1:13

Huhugasan kan kagdolot an bituka asin an nasa hurihan na mga bitis kan hayop, dangan idodolot kan padi an bilog na atang; tututongon niya iyan gabos sa altar. An parong kaiyan nawiwilihan nin Kagurangnan.

Levitico 1:9

An kagdolot iyo an mahugas kan bituka asin kan nasa hurihan na mga bitis kan hayop. An padi iyo an matutong kan bilog na atang sa altar. An parong kaiyan nawiwilihan nin Kagurangnan.

Levitico 22:20

Dai kamo magdolot nin hayop na igwa nin kaninan, huli ta dai ko iyan aakoon.

Levitico 22:21

Kun may magdara sa Kagurangnan nin dolot para sa katoninongan sa pag-otob nin sarong panuga o bilang sarong boluntad na dolot, kaipuhan mayo nin kaninan an hayop, tanganing akoon ko iyan.

Levitico 22:23

Bilang boluntad na dolot, pwede nindong idolot an sarong hayop na dai nagdakula o may makanos na hawak; alagad dai iyan aakoon kun idolot nindo iyan sa pag-otob nin sarong panuga.

Levitico 3:3

Idodolot ninda sa Kagurangnan bilang atang para sa katoninongan an gabos na taba na yaon sa laog kan hawak kan hayop,

Levitico 3:5

Tututongon an mga iyan kan mga padi duman sa altar kaiba kan mga tinutong na atang. An parong kaiyan nawiwilihan nin Kagurangnan.

Malakias 1:8

Kun minadara kamo nin buta o may helang o pilay na hayop tanganing isakripisyo sa sako, sa paghona nindo bakong sala an gibong iyan? Dolotan daw an siring na hayop sa saindong gobernador; mawiwilihan daw niya kamo o papahilingan nin marahay na boot?”