Levitico 22:20 - Marahay na Bareta Biblia

²⁰ Dai kamo magdolot nin hayop na igwa nin kaninan, huli ta dai ko iyan aakoon.

Levitico 22:20 ပူးပေါင်းရင်းမြစ်များ

Ezekiel 45:18

Nagtaram an Kagurangnan Dios, “Sa enot na aldaw kan enot na bulan, makua kamo nin sarong torilyong baka na mayo nin kaninan, tanganing linigan an Templo.

Levitico 1:3

Kun sarong baka an idodolot niya bilang tinutong na atang, kaipuhan lalaki iyan asin mayo nin kaninan. Idodolot niya iyan duman sa may pintoan kan Tabernakulo tanganing akoon siya nin Kagurangnan.

Levitico 22:24

Dai man kamo magdara sa Kagurangnan nin ano man na hayop na an bayag naronot o naputol, nalugad o nahale. Dai iyan itinutugot sa saindong daga.

Levitico 22:25

“Dai kamo magdolot nin hayop na hale sa sarong dayuhan bilang dolot na pagkakan. An mga siring na hayop ibibilang na may kaninan asin dai iyan aakoon.”

Levitico 3:1

Kun igwa saindo nin magdolot nin saro kan saiyang mga lalaki o babaeng baka, bilang dolot para sa katoninongan, dapat na mayo iyan nin kaninan.

Levitico 3:6

Kun karnero o kanding, lalaki man o babae, an idodolot bilang atang para sa katoninongan, kaipuhan mayo iyan nin kaninan.

Malakias 1:8

Kun minadara kamo nin buta o may helang o pilay na hayop tanganing isakripisyo sa sako, sa paghona nindo bakong sala an gibong iyan? Dolotan daw an siring na hayop sa saindong gobernador; mawiwilihan daw niya kamo o papahilingan nin marahay na boot?”

Mga Bilang 19:2

na itao sa mga Israelita an minasunod na pagsusundon. Magdara kamo nin pulang baka na mayo nin kaninan asin dai pa lamang nasasakalan.

Mga Bilang 29:8

Magdolot kamo nin tinutong na atang, sarong parong na nakakawili sa Kagurangnan: sarong torilyong baka, sarong lalaking karnero, asin pitong lalaking kordero na manangtaon an edad, na gabos mayo nin ano man na kaninan.

Deuteronomio 15:21

Alagad kun an mga iyan igwa nin kaninan, kun pilay o buta o igwa nin grabeng kaninan, dai nindo iyan iatang sa Kagurangnan na saindong Dios.

Deuteronomio 17:1

“Dai kamo magsakripisyo sa Kagurangnan na saindong Dios nin baka o karnero na igwa nin kaninan, huli ta ikinakaongis iyan nin Kagurangnan.

Hebreyo 9:14

orog pang nakakalinig an dugo ni Cristo, na huli sa daing kataposan na Espiritu, nagdolot kan saiyang buhay bilang daing digtang atang sa Dios, sa paglinig kan satuyang konsyensya sa mga gibong mayo nin halaga tanganing makapaglingkod kita sa Dios na buhay.

1 Pedro 1:19

kundi an mahal na dugo ni Cristo, na siring kan sa kordero na daing kaninan o digta.