Levitico 22:19 - Marahay na Bareta Biblia

¹⁹ Tanganing akoon ko an dolot, kaipuhan lalaki an hayop asin mayo nin kaninan.

Levitico 22:19 ပူးပေါင်းရင်းမြစ်များ

Exodo 12:5

An pilion nindo pwedeng kordero o kanding alagad kaipuhan na sarong taon an edad kaiyan asin mayo nin kaninan.

Levitico 1:10

Kun an idodolot kan lalaki saro kan saiyang mga karnero o kanding, kaipuhan na lalaki asin mayong kaninan.

Levitico 1:2

na kukuyogon kan mga Israelita kun nagdodolot sinda nin mga sakripisyo. Kun an siisay man saindo magdara nin dolot sa Kagurangnan, pwede niyang darahon an saro kan saiyang mga baka, karnero o kanding.

Levitico 1:3

Kun sarong baka an idodolot niya bilang tinutong na atang, kaipuhan lalaki iyan asin mayo nin kaninan. Idodolot niya iyan duman sa may pintoan kan Tabernakulo tanganing akoon siya nin Kagurangnan.

Levitico 21:18

An siisay man na may kaninan sa hawak dai pwedeng magdolot nin atang: an buta, an pilay, an may pinilaan sa lalawogon o hawak,

Levitico 4:32

Kun sarong karnero an dadarahon nin sarong tawo bilang dolot para sa saiyang kasalan, kaipuhan sarong babaeng karnero na mayo nin kaninan an saiyang darahon.

Mateo 27:19

Mantang nagtutukaw si Pilato duman sa hukoman, pinatogonan siya kan saiyang agom: “Dai ka makilabot sa matanos na tawong iyan, huli ta sa pangatorogan ko kasubanggi, nagtios ako nin makuri dahel saiya.”

Mateo 27:24

Kan mahiling ni Pilato na dai siyang magiginibo, ata ngani orog na nagriribok an mga tawo, nagpakua siya nin tubig asin naghanaw kan saiyang mga kamot sa atubangan kan mga tawo. “Dai akong sala sa kagadanan kan tawong ini. Kabotan nindo ini!” an sabi niya.

Mateo 27:4

Nagsabi siya, “Nagkasala ako! Pinasaluiban ko an sarong tawong mayong sala!” Alagad nagsimbag sinda, “Ano an labot mi kaiyan? Problema mo na iyan!”

Mateo 27:54

Natakot nin makuri an kapitan asin an mga soldados na nagbabantay ki Jesus kan mamatean ninda an linog saka kan mahiling ninda an gabos na nangyari. Nagsabi sinda, “Totoo mananggad na Aki nin Dios an tawong ini!”

Lukas 23:14

saka sinabihan, “Dinara nindo sako an tawong ini huli ta sabi nindo nagpaparibok siya sa mga tawo. Hinapot ko siya digdi sa atubangan nindo, alagad dai ko napatunayan na nagkasala siya kan mga isinumbong nindo tumang saiya;

Lukas 23:41

Tama an sentensya sato huli sa ginibo ta; alagad mayo siyang ginibong sala.”

Lukas 23:47

Kan an nangyaring ini mahiling kan kapitan na Romano, nag-omaw siya sa Dios saka nagsabi, “Totoo mananggad na mayo nin sala an tawong ini!”

Juan 19:4

Nagluwas giraray si Pilato dangan nagsabi sainda, “Iaatubang ko giraray siya saindo tanganing ipahiling saindo na mayo akong nakukuang sala saiya.”

2 Corinto 5:21

Mayo lamang nin kasalan si Cristo, alagad huli sato idinamay siya nin Dios sa satong mga pagkakasala tanganing sa pakisumaro saiya, magkaigwa kita kan katanosan nin Dios.

Efeso 5:27

Ginibo niya ini nganing iatubang niya sa sadiri niya an simbahan na magayon, banal, mayo nin kaninan, mayong digta o kurundot o anoman na arog kaiyan.

Deuteronomio 15:21

Alagad kun an mga iyan igwa nin kaninan, kun pilay o buta o igwa nin grabeng kaninan, dai nindo iyan iatang sa Kagurangnan na saindong Dios.

Hebreyo 9:14

orog pang nakakalinig an dugo ni Cristo, na huli sa daing kataposan na Espiritu, nagdolot kan saiyang buhay bilang daing digtang atang sa Dios, sa paglinig kan satuyang konsyensya sa mga gibong mayo nin halaga tanganing makapaglingkod kita sa Dios na buhay.

1 Pedro 1:19

kundi an mahal na dugo ni Cristo, na siring kan sa kordero na daing kaninan o digta.

1 Pedro 3:18

Huli ta si Cristo nagadan dahel sa mga kasalan sarong beses sana nanggad. Matanos siyang tawo alagad nagadan siya para sa mga makasalan, tanganing madara niya kita sa Dios. Ginadan siya sa hawak alagad binuhay siya sa espiritu.