Levitico 22:13 - Marahay na Bareta Biblia

¹³ Alagad kun an aking babae kan padi nabalo o sinuhayan kan saiyang agom asin dai nag-aki, dangan buminalik sa harong nin saiyang ama arog kan daraga pa siya, pwede siyang kumakan kan pagkakan kan saiyang ama. An kaayon sana kan pamilya kan padi an pwedeng kumakan kaini.

Levitico 22:13 ပူးပေါင်းရင်းမြစ်များ

Genesis 38:11

Dangan sinabihan ni Juda si Tamar na saiyang manugang, “Magbalik ka sa harong kan saimong ama asin magdanay ka sa pagkanibalo sagkod na magdakula an aki kong si Shela.” Sinabi niya ini huli ta natakot siyang magadan man si Shela arog kan mga tugang kaini. Kaya nagpuli si Tamar asin nag-erok sa harong kan saiyang ama.

Esdras 2:63

Sinabihan sinda kan gobernador na Judio na dai sinda pwedeng magkakan kan idinolot sa Dios sagkod na mayo nin padi na pwedeng maggamit kan Urim asin Tummim.

Exodo 12:43

Nagtaram an Kagurangnan ki Moises asin ki Aaron, “Uya an mga pagboot manongod sa Paskwa: Dai pwedeng magkakan kan inandam para sa Paskwa an dayuhan,

Exodo 29:33

Kakakanon ninda an dolot para sa pagpatawad kan kasalan kan sinda konsagrahon asin ordenan. Mga padi sana an makakan kan mga pagkakan na ini huli ta ini banal.

Ezekiel 44:8

Dai ninda inataman an banal na mga bagay sa sakong Templo, asin an mga dayuhan pa an saindang pinaataman kaiyan.

Levitico 10:14

Alagad an daghan saka an bitis na itinaas sa Kagurangnan bilang espesyal na regalo asin kahirasan para sa mga padi pwede nindong kakanon asin kan saindong mga pamilya maski saen na malinig na lugar. An mga dolot na iyan itinao saindo asin sa mga aki nindo bilang kahirasan, hale sa mga dolot para sa katoninongan kan mga Israelita.

Levitico 22:10

“An mga kaayon sana kan pamilya kan padi an pwedeng kumakan kan mga banal na dolot. Dai pwedeng kumakan kaiyan maski an dayuhan na nag-eerok sa harong kan padi o an saiyang tinandanan na sorogoon.

Levitico 22:12

An aking babae kan padi na naagom nin bakong padi, dai pwedeng kumakan kan arin man kan mga banal na dolot.

Deuteronomio 24:2

Halimbawa magpaagom giraray sa ibang lalaki an babaeng sinuhayan,

1 Samuel 21:7

Kan aldaw na idto, yaon duman an pamayong pastor ni Saul na si Doeg, na taga Edom, huli ta kaipuhan otobon niya an sarong banal na panuga.)