Levitico 21:7 - Marahay na Bareta Biblia

⁷ An sarong padi dai dapat mag-agom nin sarong babaeng dating maraot na babae o sarong babaeng bako nang birhen o sarong babaeng sinuhayan nin saiyang agom; an sarong padi banal sa saiyang Dios.

Levitico 21:7 ပူးပေါင်းရင်းမြစ်များ

Genesis 38:24

Pakalihis nin tolong bulan, igwang nag-osip ki Juda, “Nagin maraot na babae an manugang mong si Tamar asin bados siya ngunyan.” Nagboot si Juda, “Iluwas nindo siya asin suloon sagkod na magadan.”

Isaias 50:1

Nagsasabi an Kagurangnan, “Sa paghona nindo sinuhayan ko an sakong banwaan siring sa pagsuhay nin sarong lalaki sa saiyang agom? Haen, kun siring, an mga kasuratan nin pagsuhay? Sa paghona nindo ipinabakal ko kamo sa kaoripnan arog sa pagpabakal nin sarong lalaki sa saiyang mga aki bilang mga oripon? Dai, nabihag kamo huli kan saindong mga kasalan; isinubol kamo sa harayo huli kan saindong mga kasombikalan.

Ezekiel 44:22

Dai sinda pwedeng mag-agom nin balo o nin babaeng sinuhayan nin agom. An pwede sana nindang agomon iyo an sarong birhen na Israelita o an balo nin kapwa padi.

Levitico 21:8

Kaipuhan na midbidon kan banwaan na an padi banal huli ta siya an minadara sako kan mga dolot na pagkakan. Ako an Kagurangnan; ako banal asin ako an nagpapabanal sa sakong banwaan.

1 Timoteo 3:11

An saindang mga agom dapat marahay man an ugale, bakong paralibak, dai nagbuburat asin maimbod sa gabos na bagay.