Levitico 21:6 - Marahay na Bareta Biblia

⁶ Kaipuhan na magin banal sinda asin dai ipasopog an sakong ngaran, huli ta sinda an nagdodolot kan mga dolot na pagkakan sa sako; kaya maninigo na sinda magin banal.

Levitico 21:6 ပူးပေါင်းရင်းမြစ်များ

Esdras 8:28

Dangan sinabihan ko sinda, “Banal kamo para sa Kagurangnan, an Dios kan saindong mga ginikanan, siring man an plata saka bulawan na kagamitan na bilog na pusong idinolot saiya.

Exodo 19:22

Maski an mga padi na minadolok sako kaipuhan magpakabanal man; kun dai, papadusahan ko sinda.”

Exodo 28:36

“Gumibo ka nin koronang anas na bulawan dangan iukit mo diyan ining mga tataramon, ‘Konsagrado sa Kagurangnan.’

Exodo 29:44

Kokonsagrahon ko an Tabernakulo asin an altar; siring man si Aaron sagkod an saiyang mga aki kokonsagrahon ko tanganing maglingkod sinda sako bilang mga padi.

Isaias 52:11

Maghale kamo sa Babilonia, kamo gabos na paradara kan kagamitan sa Templo! Dai kamo magdotdot kan ipinangalad na bagay; magpakabanal kamo asin maghale diyan.

Ezekiel 44:7

Dinigtaan ninda an sakong Templo huli ta an bakong sirkomsisyonadong mga dayuhan, mga tawong dai nagsusunod sako, tinugotan nindang maglaog diyan, mantang idinodolot sako an taba saka an dugo kan mga hayop na isinakripisyo. Kaya an sakong tipan linapas kan sakong banwaan huli kan makauuyam na mga bagay na ginibo ninda.

Levitico 10:3

Dangan sinabihan ni Moises si Aaron, “Iyo ini an itinaram nin Kagurangnan, ‘An gabos na naglilingkod sako, kaipuhan maggalang kan sakong kabanalan; ipapahiling ko an sakong kamurawayan sa sakong banwaan.’” Dai naggirong si Aaron.

Levitico 18:21

Dai nindo ipagtao an arin man sa saindong mga aki tanganing tutongon para sa dios na si Molec, huli ta dadarahan nindo nin kasosopgan an ngaran kan saindong Dios, an Kagurangnan.

Levitico 19:12

Dai kamo magsumpa sa ngaran ko kun dai man sana nindo iyan ootobon; nagdadara iyan nin kasosopgan sa sakong ngaran. Ako an Kagurangnan na saindong Dios.

Levitico 20:3

Magigin kaiwal ko siya asin dai na ibibilang na kaayon sa sakuyang banwaan, huli ta dinidigtaan niya an sakong Tabernakulo asin sinosopog niya an sakong ngaran sa pagtao kan saro niyang aki ki Molec.

Levitico 21:17

“Sabihan mo si Aaron na mayo nin siisay man sa saiyang kapagarakian na may kaninan sa hawak an pwedeng magdara sako kan dolot na pagkakan sa gabos na panahon.

Levitico 21:21

An siisay man sa kapagarakian ni Aaron na may kaninan dai pwedeng magdara kan dolot na pagkakan sa sako.

Levitico 21:23

alagad nin huli ta may kaninan siya, dai siya pwedeng magrani sa panlipod na kurtina o sa altar. Dai niya dapat pagdigtaan an mga banal na bagay na ini, huli ta ako an Kagurangnan, asin ako an nagpapabanal kan mga iyan.”

Levitico 21:8

Kaipuhan na midbidon kan banwaan na an padi banal huli ta siya an minadara sako kan mga dolot na pagkakan. Ako an Kagurangnan; ako banal asin ako an nagpapabanal sa sakong banwaan.

Levitico 3:11

Tututongon iyan kan padi duman sa altar bilang dolot na pagkakan sa Kagurangnan.

Mga Bilang 16:5

Dangan sinabihan niya si Kora asin an mga kairiba kaini, “Sa aga, ipapahiling sato nin Kagurangnan kun siisay an sadiri niya, an mga pinili niya na papadolokon niya saiya sa altar.

Mga Bilang 28:2

na tukdoan an mga Israelita na magdolot sa Dios sa talaan na panahon kan mga dolot na pagkakan na nakakawili sa saiya.

1 Pedro 2:9

Alagad kamo an piniling rasa, mga padi kan Hade, sarong nasyon na banal, saka mga tawong sadiri nin Dios. Pinili kamo tanganing magbareta kan mga makangangalas na gibo nin Dios na iyo an nag-apod saindo hale sa kadikloman pasiring sa saiyang makangangalas na liwanag.