Levitico 21:22 - Marahay na Bareta Biblia

²² Pwede siyang magkakan kan banal na dolot na pagkakan asin kan pinakabanal na pagkakan na idinolot sa sako,

Levitico 21:22 ပူးပေါင်းရင်းမြစ်များ

Levitico 10:12

Dangan sinabihan ni Moises si Aaron saka an duwang natatadang aking lalaki kaini na si Eleazar asin si Itamar, “Kuahon nindo an natadang pagkakan na idinolot sa Kagurangnan asin gumibo kamo nin tinapay na mayo nin lebadura dangan kakanon nindo sa may altar, huli ta iyan orog kabanal.

Levitico 10:17

“Tadaw ta dai nindo kinakan sa sarong banal na lugar an dolot para sa kasalan? Orog iyan kabanal asin itinao na saindo nin Kagurangnan tanganing mahale an kasalan kan mga tawo.

Levitico 14:13

Bubunoon niya an kordero duman sa pinagbubunoan kan mga hayop na idodolot bilang dolot para sa kasalan asin kan tinutong na atang. Gigibohon niya ini huli ta an dolot nin kabayadan sadiri kan padi asin orog kabanal, arog kan dolot para sa kasalan.

Levitico 2:10

An tada kan idinolot mapapaduman sa mga padi; banal iyan huli ta kabtang iyan kan pagkakan na idinolot sa Kagurangnan.

Levitico 2:3

An tada kan idinolot na pagkakan mapapaduman sa mga padi; banal iyan huli ta kabtang iyan kan pagkakan na idinolot sa Kagurangnan.

Levitico 21:23

alagad nin huli ta may kaninan siya, dai siya pwedeng magrani sa panlipod na kurtina o sa altar. Dai niya dapat pagdigtaan an mga banal na bagay na ini, huli ta ako an Kagurangnan, asin ako an nagpapabanal kan mga iyan.”

Levitico 22:25

“Dai kamo magdolot nin hayop na hale sa sarong dayuhan bilang dolot na pagkakan. An mga siring na hayop ibibilang na may kaninan asin dai iyan aakoon.”

Levitico 22:7

Pakasolnop kan aldaw, magigin malinig na siya, asin pwede na siyang magkakan kan banal na mga dolot, huli ta iyo ini an saiyang pagkakan.

Levitico 27:28

Alagad mayo nin siisay man na pwedeng magpabakal o magtubos kan ano man na idinusay na sa Kagurangnan, tawo man o hayop o daga. Sagkod pa man pagsadiri iyan nin Kagurangnan.

Levitico 6:10

Masulot an padi nin tunika asin sarwal na lino, dangan hahaleon niya an abo kan tinutong na atang saka ibubugtak sa gilid kan altar.

Levitico 6:29

An lambang lalaki sa pamilya kan mga padi pwedeng kumakan kan dolot na iyan; iyan orog kabanal.

Levitico 7:1

Iyo ini an mga pagsusundon manongod sa dolot na kabayadan. An mga iyan orog kabanal.

Levitico 7:6

An lambang lalaki na kaayon sa mga pamilya kan padi pwedeng kumakan kaiyan alagad kaipuhan na kakanon niya iyan sa sarong lugar na banal huli ta iyan orog kabanal.

Mga Bilang 18:19

“Itinatao ko saimo, sa saimong mga aking lalaki, asin sa saimong mga aking babae sa gabos na panahon an gabos na espesyal na regalo na idodolot sako kan mga Israelita. Ini sarong daing kataposan na pakikipagtipan ko saimo saka sa saimong kapagarakian.”

1 Corinto 9:13

Aram man sana nindo na an mga Judio na naglilingkod sa Templo nagkukua kan saindang kakanon sa Templo, dangan an mga nagdodolot nin mga atang sa altar igwa nin kahirasan sa mga atang.