Levitico 21:10 - Marahay na Bareta Biblia

¹⁰ “An Halangkaw na Padi inulaan sa payo kan lanang panlahid asin kinonsagra tanganing magsulot kan mga gubing na sa padi, kaya kaipuhan dai niya pagbayaan na dai masukray an saiyang buhok o na paggision an saiyang gubing sa pagpahiling na siya nagmomondo.

Levitico 21:10 ပူးပေါင်းရင်းမြစ်များ

Genesis 37:34

Dangan ginisi ni Jacob an saiyang gubing sa kamondoan asin nagsulot siya nin sako; haloy niyang pinagmondoan an kagadanan kan saiyang aki.

2 Samuel 15:30

Alagad naghihibi na nagtukad si David sa Bukid nin mga Oliba; nakabitis sana siya asin may tahob an payo bilang tanda nin pagmondo. An gabos na nagsunod saiya nagtahob man kan saindang payo asin naghibi.

Esther 6:12

Pakatapos, nagbalik si Mardokeo sa trangkahan kan palasyo. Alagad hidaling nagpuli si Haman na igwa nin tahob an payo huli sa kasosopgan.

An Libro ni Job 1:20

Dangan nagtindog si Job asin ginisi an saiyang gubing sa kamondoan. Inaris niya an buhok sa saiyang payo dangan nagdapa siya sa daga.

Salmo 133:2

Kabaing iyan sa mahalagang lana na panlahid, na nagbubulos hale sa payo asin barabas ni Aaron, pasiring sa kwelyo kan saiyang gubing.

Exodo 29:7

Dangan kuahon mo an lana, iula mo sa saiyang payo asin lahidan mo siya.

Ezekiel 24:17

Mag-agrangay ka, alagad dai dapat madangog iyan; dai ka nanggad magpahiling na ika nagmomondo. Dai ka mag-aris nin buhok ni magtangkas kan sandalyas. Dai mo pagtahoban an saimong lalawogon o magkakan kan kakanon nin mga nagmomondo.”

Levitico 13:45

An sarong tawong igwa nin nakakatakot na helang sa kublit kaipuhan magsulot nin girising gubing, dai magsukray, magtahob kan saiyang lalawogon asin magkurahaw nin “Maati, maati!”

Levitico 16:32

An Halangkaw na Padi na inordenan asin kinonsagra bilang pading kasalihid kan saiyang ama, iyo an magibo kan seremonya nin paglinig. Isusulot niya an mga gubing na sa padi

Levitico 4:3

Kun an magkasala iyo an Halangkaw na Padi, asin huli kaiyan nadamay sa pagkakasala an mga tawo, madara siya nin torilyong baka na mayo nin kaninan asin iaatang niya iyan sa Kagurangnan para sa saiyang kasalan.

Levitico 8:12

Pakatapos, inulaan niya kan lana an payo ni Aaron sa pag-orden saiya.

Mga Bilang 35:25

An nakagadan ililigtas kan komunidad sa kadugo kan nagadan. Ibabalik ninda an nakagadan sa syudad na pinagpailihan niya. Kaipuhan duman siya mag-erok sagkod na buhay pa an Halangkaw na Padi sa panahon na iyan.

Mga Bilang 6:7

maski ini saiyang ama, ina, tugang na lalaki o babae. An saiyang buhok iyo an tanda kan saiyang pagdusay kan saiyang buhay sa Dios, kaya dai niya dapat pagdigtaan an sadiri huli sa pagrani sa gadan.

Mateo 26:65

Pakadangog kaini kan Halangkaw na Padi, ginisi niya an sulot niyang gubing asin nagsabi, “An tawong ini naglanghad sa Dios! Dai na kita nangangaipo nin mga saksi! Nadangog nindo ngunyan an saiyang paglanghad!