Levitico 20:8 - Marahay na Bareta Biblia

⁸ Kuyogon nindo an sakong mga togon, huli ta ako an Kagurangnan, asin ako an nagpapabanal saindo.”

Levitico 20:8 ပူးပေါင်းရင်းမြစ်များ

Exodo 31:13

na sabihan an mga Israelita, “Otobon nindo an Sabbath, an sakong aldaw nin pahingalo, huli ta iyan an tanda para sa sako asin para saindo sagkod sa mga maabot na henerasyon na ako, an Kagurangnan, iyo an nagpili saindo na magin banwaan ko.

Ezekiel 20:12

Pinaotob ko sainda an Sabbath bilang tanda kan samong tipan, tanganing pagiromdomon sinda na ako, an Kagurangnan, iyo an nagpapabanal sainda.

Ezekiel 37:28

Kun ibugtak ko na an sakuyang Templo sa tahaw ninda sagkod pa man, dangan maaaraman kan mga nasyon na ako, an Kagurangnan, an nagpili sa Israel na magin sadiri kong banwaan.”

Levitico 19:19

“Kuyogon nindo an sakong mga pagboot. Dai nindo pagpalahian sa ibang klase an saindong mga hayop. Dai kamo magtanom nin duwang klaseng banhi sa sarong oma. Dai kamo magsulot nin gubing na gibo sa duwang klaseng tela.

Levitico 19:37

Kuyogon nindo an gabos kong togon saka pagboot. Ako an Kagurangnan.”

Levitico 20:26

Magin banal kamo huli ta ako an Kagurangnan banal, asin linaen ko kamo sa ibang mga nasyon tanganing magin sadiri ko.

Levitico 21:8

Kaipuhan na midbidon kan banwaan na an padi banal huli ta siya an minadara sako kan mga dolot na pagkakan. Ako an Kagurangnan; ako banal asin ako an nagpapabanal sa sakong banwaan.

Levitico 22:32

Dai nindo pagdarahan nin kasosopgan an sakong banal na ngaran; kaipuhan mamidbidan kan bilog na Israel na ako banal. Ako an Kagurangnan, asin ako an nagpapabanal saindo.

Mateo 12:50

Huli ta an siisay man na nag-ootob kan kabotan kan sakong Ama sa langit, iyo an sakong mga tugang asin an sakong ina.”

Mateo 23:17

Mga lolong na buta! Arin an mas mahalaga, an bulawan o an Templo na nagpapabanal kan bulawan na iyan?

Mateo 5:19

Kaya an maglapas dawa kan pinakasadit na kabtang sa mga togon asin magtukdo kan paglapas kaiyan, ibibilang na pinakasadit sa kahadean nin langit. Alagad an mag-otob kan Katogonan asin magtukdo kaiyan, ibibilang na dakula sa Kahadean nin langit.

Mateo 7:24

“An nagdadangog asin nagkukuyog kaining mga itinaram ko nakakaagid sa madonong na tawong nagtugdok kan harong niya sa gapo.

Juan 13:17

Kun nasasabotan na nindo an mga bagay na ini, paladan kamo kun saindong gibohon.

1 Corinto 1:30

Alagad isinaro kamo nin Dios ki Cristo Jesus; ginibo man niya na si Cristo iyo an magin kadonongan ta. Sa paagi ni Cristo Jesus, kita nagin matanos sa Dios; pinangagin banal kita asin talingkas.

1 Tesalonica 5:23

Pakabanalon logod kamo nin lubos kan Dios nin katoninongan; magdanay logod kamong malinig asin daing digta sa espiritu, sa kalag, asin hawak, sagkod sa pagdatong ni Jesu-Cristo na satong Kagurangnan.

2 Tesalonica 2:13

Danay kaming magpasalamat sa Dios para saindo, mga tugang na namomotan kan Kagurangnan. Nagpapasalamat kami huli ta pinili kamo nin Dios bilang enot na ililigtas sa paagi kan kapangyarihan kan Espiritu, na nagpapabanal saindo huli kan saindong pagtubod sa katotoohan.

Santiago 1:22

Bako sanang dangogon nindo an tataramon nin Dios kundi gibohon; ta kun dai, kamo man sana an nagdadaya sa sadiri nindo.

Kapahayagan 22:14

Paladan an mga naglinig kan saindang mga gubing, huli ta tatawan sinda nin deretsong magkakan kan bunga kan kahoy nin buhay, saka maglaog sa mga trangkahan kan syudad.