Levitico 20:5 - Marahay na Bareta Biblia

⁵ ako mismo an mapadusa saiya asin sa saiyang pamilya patin sa gabos na nakisumaro saiya sa pagtalikod sako tanganing sambahon si Molec. Dai ko sinda ibibilang na kaayon sa sakuyang banwaan.

Levitico 20:5 ပူးပေါင်းရင်းမြစ်များ

2 Mga Cronica 21:11

Laen pa kaiyan nagbugtak siya nin paganong mga lugar na pagsasambahan sa kabubuldan nin Juda dangan pinangenotan an mga banwaan nin Juda asin nin Jerusalem sa pagsombikal sa Kagurangnan.

Salmo 106:39

Nagin maati sinda huli kan saindang mga gibo, asin nagtalikod sinda sa Dios.

Exodo 20:5

Dai kamo magduko sa mga dios-dios o magsamba sa sainda, huli ta ako an Kagurangnan na saindong Dios, sarong maimon na Dios. Pinapadusahan ko an mga naoongis sako pati an saindang mga aki sagkod sa ikatolo saka sa ikaapat na henerasyon.

Jeremias 3:2

Hilinga an alitoktok kan mga bulod. Igwa daw nin lugar duman na dai mo dinigtaan? Naghalat ka nin mga lalaki sa gilid kan tinampo, arog kan Arab na naghihipa nin mga mabibiktima sa kalangtadan. Dinigtaan mo an daga huli kan saimong karigsokan.

Jeremias 32:39

Itatao ko sainda an sarong katuyohan sa buhay, an omawon ako sa gabos na panahon para sa sadiri nindang karahayan asin sa karahayan kan saindang mga kapagarakian.

Jeremias 44:11

“Kaya ako, an Kagurangnan nin mga hukbo, an Dios nin Israel, an makalaban saindo saka matunaw kan bilog na Juda.

Oseas 2:13

Papadusahan ko siya huli kan mga panahon na liningawan niya ako, kan magsulo siya nin insenso ki Baal asin kan isulot niya an saiyang mga alahas tanganing lamagon an mga namomoot saiya. An Kagurangnan an nagtaram.

Levitico 17:10

Kun an sarong Israelita o dayuhan na nakikihimanwa sainda magkakan nin karne na igwa pa nin dugo, siya magigin kaiwal nin Kagurangnan asin dai na ibibilang na kaayon sa saiyang banwaan.

Levitico 17:7

Kaya dai na nanggad sinda magbubuno nin mga hayop sa kaawagan bilang dolot sa mga demonyo. Kaipuhan kuyogon kan mga Israelita an pagsusundon na ini sagkod lamang.

Levitico 20:4

Kun pabayaan kan komunidad an saiyang ginibo asin dai siya gadanon,

Levitico 20:6

“An siisay man na magduman sa mga espiritista asin maghagad sainda nin hatol, magigin kaiwal ko asin dai ko na ibibilang na kaayon sa sakuyang banwaan.