Levitico 20:27 - Marahay na Bareta Biblia

²⁷ “An siisay man na lalaki o babaeng magkonsulta sa espiritu kan mga gadan, gagapoon sagkod na magadan; siya an responsable kan saiyang kagadanan.”

Levitico 20:27 ပူးပေါင်းရင်းမြစ်များ

2 Mga Cronica 33:6

Isinakripisyo niya an saiyang mga aking lalaki bilang mga tinutong na atang duman sa Kapantayan nin Hinnom. Naghula siya, nagsalamangka asin nangkulam. Nakihumapot siya sa mga parahula asin sa mga tawong nakikipag-olay sa mga espiritu. Nagkasala siya nin makuri sa Kagurangnan, na pinaanggot niya nin marahay.

Exodo 22:18

“Dai nindo pagtugotan na mabuhay an babaeng mangkukulam.

Levitico 19:31

“Dai kamo maghagad nin hatol sa mga espiritista. Kun gibohon nindo iyan, magigin maati kamo. Ako an Kagurangnan na saindong Dios.

Levitico 20:2

na sabihan an mga Israelita, “An siisay man saindo o sa mga dayuhan na nakikihimanwa sa saindo, na magtao kan arin man sa mga aki niya tanganing gamiton sa pagsamba ki Molec, gagapoon kan bilog na komunidad sagkod na magadan.

Levitico 20:6

“An siisay man na magduman sa mga espiritista asin maghagad sainda nin hatol, magigin kaiwal ko asin dai ko na ibibilang na kaayon sa sakuyang banwaan.

Levitico 24:14

“Daraha an lalaking iyan sa luwas kan kampo. An gabos na nakadangog saiya kan maglanghad siya, madoon kan saindang kamot sa saiyang payo, sa pagpatotoo na nagkasala siya. Dangan gagapoon siya kan bilog na komunidad sagkod na magadan.

Mga Bilang 15:35

Dangan tinaraman nin Kagurangnan si Moises, “Kaipuhan gadanon an lalaki; gagapoon siya sagkod na magadan kan bilog na komunidad sa luwas kan kampo.”

Mga Gibo 16:16

Sarong aldaw, kan kami paduman sa lugar nin pamibian, sinabat kami nin sarong daragang oripon. Igwa siya nin maraot na espiritu na nagtatao saiya nin kapangyarihan sa paghula. Dakul na kwarta an nakukua niya sa panghuhula para sa saiyang mga kagurangnan.

Deuteronomio 21:21

Dangan gagapoon siya kan mga lalaki kan syudad sagkod na siya magadan; sa siring na paagi mahahale sa tahaw nindo an karatan na ini. Madadangog ini kan bilog na Israel asin matatakot sinda.

1 Samuel 28:3

Gadan na kaidto si Samuel, asin nagmondo an gabos na Israelita para saiya; ilinubong siya ninda sa Rama na sadiri niyang banwa. Pinahale na kaidto ni Saul sa Israel an gabos na espiritista asin parahula.