Levitico 20:24 - Marahay na Bareta Biblia

²⁴ Ipinangako ko saindo an mayaman saka matubang na dagang ini na magin sadiri nindo, asin itatao ko iyan saindo. Ako an Kagurangnan na saindong Dios, asin linaen ko kamo sa ibang mga nasyon.

Levitico 20:24 ပူးပေါင်းရင်းမြစ်များ

1 Mga Hade 8:53

Isiniblag mo sinda hale sa gabos na banwaan sa daga, tanganing magin pamana mo, siring kan ipinahayag mo huli ki Moises na saimong sorogoon kan iluwas mo sa Egipto an samong mga ginikanan.”

Exodo 13:5

Nanuga an Kagurangnan sa saindong mga ginikanan na itatao niya saindo an daga kan mga Cananeo, Heteo, Amoreo, Heveo asin mga Jebuseo. Kun darahon na niya kamo duman sa dagang mayaman sa gabos na bagay, gibohon nindo ining pyesta sa enot na bulan kan lambang taon.

Exodo 3:17

Nangangako ako na iluluwas ko sinda sa Egipto na nag-ooripon sa sainda asin dadarahon ko sinda sa mayaman saka matubang na daga kan mga Cananeo, Heteo, Amoreo, Perezeo, Heveo, asin Jebuseo.

Exodo 3:8

kaya naghilig ako tanganing iligtas sinda sa mga Egipcio asin darahon sa dagang matubang, mahiwas asin mayaman sa gabos na bagay. Dadarahon ko sinda sa dagang pinag-eerokan ngunyan kan mga Cananeo, Heteo, Amoreo, Perezeo, Heveo asin Jebuseo.

Exodo 33:1

Tinaraman nin Kagurangnan si Moises, “Maghale na kamo sa lugar na ini, ika asin an mga tawong ilinuwas mo sa Egipto; magduman kamo sa dagang ipinanuga ko ki Abraham, ki Isaac, ki Jacob sagkod sa saindang mga kapagarakian.

Exodo 33:16

Huli ta paanong maaaraman na nawiwilihan mo ako saka an mga tawo? Bako daw huli sa pag-iba mo samo tanganing mapalaen kami, ako saka an saimong banwaan, sa ibang mga tawo sa kinaban?”

Exodo 33:3

Maduman kamo sa daga na mayaman sa gabos na bagay. Alagad huli ta matagas an saindong payo dai ako maiba saindo ta tibaad tunawon ko kamo sa dalan.”

Exodo 6:8

Dadarahon ko kamo sa dagang ipinanuga ko ki Abraham, ki Isaac, asin ki Jacob; itatao ko iyan saindo bilang saindong sadiring rogaring. Ako an Kagurangnan.’”

Levitico 14:34

an minasunod na pagsusundon manongod sa mga harong na naolakitan kan naglalakop na alamag. (An mga ini susunodon kan banwaan nin Israel pakalaog ninda sa Canaan, an daga na itatao sainda nin Kagurangnan bilang saindang pagsadiri).

Levitico 20:26

Magin banal kamo huli ta ako an Kagurangnan banal, asin linaen ko kamo sa ibang mga nasyon tanganing magin sadiri ko.

Mga Bilang 23:9

Nahihiling ko sinda hale sa alitoktok nin mga kabukidan; Binabantayan ko sinda hale sa kabubuldan. Sinda sarong nasyon na solo-solong namumuhay; Nakakasabot na mas paladan sinda ki sa ibang nasyon.

Juan 15:19

Kun kamo taga kinaban, mamomotan kamo kan kinaban bilang sadiri kaiyan. Alagad pinili ko kamo hale sa kinaban, kaya bako na kamong sadiri kaiyan; ini an dahelan kun tadaw ta ikinakaongis kamo kan kinaban.

2 Corinto 6:17

“Kaya bayaan nindo sinda,” an sabi nin Dios, “sumiblag kamo sainda. Dai kamo magduta sa anoman na maati, dangan aakoon ko kamo.

Deuteronomio 14:2

Huli ta kamo sarong banwaan na banal para sa Kagurangnan na saindong Dios, asin pinili niya kamo na magin sadiring banwaan hale sa gabos na banwaan sa bilog na daga.

Deuteronomio 7:6

Gibohon nindo iyan huli ta sadiri kamo nin Kagurangnan na saindong Dios. Hale sa gabos na banwaan sa kinaban, pinili niya kamo na magin saiyang sadiring banwaan.

1 Pedro 2:9

Alagad kamo an piniling rasa, mga padi kan Hade, sarong nasyon na banal, saka mga tawong sadiri nin Dios. Pinili kamo tanganing magbareta kan mga makangangalas na gibo nin Dios na iyo an nag-apod saindo hale sa kadikloman pasiring sa saiyang makangangalas na liwanag.