Levitico 2:4 - Marahay na Bareta Biblia

⁴ Kun tinapay na linuto sa horno an idodolot, kaipuhan linuto iyan na mayo nin lebadura. Pwedeng mahibog iyan o manipis, sinalakan nin lana nin oliba o linahidan sana.

Levitico 2:4 ပူးပေါင်းရင်းမြစ်များ

Salmo 22:14

Siring sa tubig kosog ko inuula, asin naggigirilo-gilo gabos kong mga tulang; an sakuyang puso siring sa taro, na natutunaw sa sakong daghan.

Exodo 12:8

Sa bangging iyan, iihawon an binunong hayop dangan kakakanon kaiba an mapait na gulay asin an tinapay na mayo nin lebadura.

Exodo 16:31

Manna an inginaran kan mga Israelita sa tinapay. Nakakaarog ini sa sadit asin maputing pisog nin kulantro, dangan garo galyetas na minasa sa dugos an namit kaini.

Exodo 29:2

Gamiton mo an pinakamarahay na arinang trigo, alagad mayo nin lebadura, asin gumibo ka nin mga tinapay na igwang lana, nin mga tinapay na mayong lana, asin nin maninipis na biskwit na linahidan nin lana.

Isaias 42:1

Nagsasabi an Kagurangnan, “Uya an sakong sorogoon, na sakong pinapakosog— an sakong pinili, an sakong nawiwilihan. Ibinugtak ko an sakong espiritu sa saiya, asin siya an matao nin hustisya sa gabos na nasyon.

Isaias 61:1

Nasa sako an espiritu kan Kagurangnan Dios, huli ta linahidan niya ako sa pagdara kan marahay na bareta sa mga dukha. Sinugo niya ako sa pagbolong kan mga nakukulogan an puso, sa pagpahayag nin katalingkasan sa mga bihag asin sa mga nasa bilanggoan.

Ezekiel 46:20

dangan nagsabi, “Digdi lalabonan kan mga padi an karneng dolot bilang sakripisyo para sa kasalan asin bilang kabayadan na atang; diyan man lulutoon an dolot na pagkakan, tanganing an anoman na banal dai madara sa patyong nasa luwas dangan may maraot na mangyari sa mga tawo.”

Levitico 1:11

Bubunoon niya iyan sa parteng amihan kan altar asin an mga padi iyo an maula kan dugo kan hayop sa apat na gilid kan altar.

Levitico 10:12

Dangan sinabihan ni Moises si Aaron saka an duwang natatadang aking lalaki kaini na si Eleazar asin si Itamar, “Kuahon nindo an natadang pagkakan na idinolot sa Kagurangnan asin gumibo kamo nin tinapay na mayo nin lebadura dangan kakanon nindo sa may altar, huli ta iyan orog kabanal.

Levitico 7:12

Kun idolot iyan nin sarong tawo bilang pasalamat sa Dios, kaiba an hayop na iaatang, madolot siya nin tinapay na mayo nin lebadura: mahibog na tinapay hale sa arina na sinalakan nin lana nin oliba o manipis na biskwit na linahidan nin lana nin oliba o manipis na biskwit na gibo sa arina na sinalakan nin lana nin oliba.

Mga Bilang 6:15

Laen pa kaiyan, madolot siya nin sarong basket nin tinapay na mayo nin lebadura: mahihibog na tinapay na gibo sa arinang sinalakan nin lana nin oliba, asin maninipis na biskwit na linahidan nin lana nin oliba, kaiba an dolot na pagkakan asin dolot na inomon.

Mateo 26:38

Sinabihan niya sinda, “Makuring gayo an kamondoan ko na haros ikagadan ko! Digdi sana kamo asin magpuka sa kaibahan ko.”

Juan 12:27

“Ngunyan napupurisaw an sakong kalag. Ano an sasabihon ko? Masabi daw ako, ‘Ama, ligtasan ako sa oras na ini’? Dai! Huli ta ini an dahelan kun tadaw ta nagdigdi ako—tanganing agihan ko an oras na ini nin kasakitan.

Juan 3:34

Huli ta an sinugo nin Dios nagtataram kan mga tataramon nin Dios; dai sinusukol an pagtao nin Dios kan saiyang Espiritu.

Hebreyo 7:26

Kaya si Jesus iyo an Halangkaw na Padi na makakasimbag kan satong mga pangangaipo. Banal siya, mayo nin digta o karatan; dai kabilang sa mga parakasala, ilinangkaw siya sa itaas pa kan kalangitan.

1 Pedro 2:1

Kaya halea nindo an gabos na karatan; an gabos na kaputikan, pagsagin-sagin, pagkaori asin pagpakaraot.

1 Pedro 2:22

Dai siya nagkasala; dai nanggad siya nagtaram nin putik.