Levitico 2:1 - Marahay na Bareta Biblia

¹ Kun magdara nin trigo an siisay man tanganing idolot sa Kagurangnan bilang dolot na pagkakan, kaipuhan na gilingon niya ngona iyan na magin arina. Uulaan niya iyan nin lana nin oliba asin bubugtakan nin insenso sa ibabaw,

Levitico 2:1 ပူးပေါင်းရင်းမြစ်များ

Exodo 29:2

Gamiton mo an pinakamarahay na arinang trigo, alagad mayo nin lebadura, asin gumibo ka nin mga tinapay na igwang lana, nin mga tinapay na mayong lana, asin nin maninipis na biskwit na linahidan nin lana.

Isaias 43:23

Dai ka nagdara sako kan saimong karnero para sa tinutong na atang; dai mo ako inomaw kan saimong mga sakripisyo. Dai taka pinagabatan huli sa mga dolot ni pinagal huli sa paghagad nin insenso.

Isaias 66:20

Ibabalik ninda an saindong mga kahimanwa hale sa mga nasyon bilang regalo sako. Dadarahon ninda an mga tawong ini sa sakong banal na bulod sa Jerusalem. Malunad sinda sa mga kabayo, mga mula, asin mga kamelyo, patin sa mga karwahe saka mga kariton. Dadarahon ninda an mga kahimanwa ninda siring sa pagdara kan mga Israelita kan mga dolot na pagkakan sa Templo na nakabugtak sa mga malinig na laogan.

Ezekiel 46:20

dangan nagsabi, “Digdi lalabonan kan mga padi an karneng dolot bilang sakripisyo para sa kasalan asin bilang kabayadan na atang; diyan man lulutoon an dolot na pagkakan, tanganing an anoman na banal dai madara sa patyong nasa luwas dangan may maraot na mangyari sa mga tawo.”

Joel 1:9

Mayo na nin trigo o arak na idodolot sa Templo; nagmomondo an mga padi huli ta mayo sindang mga dolot para sa Kagurangnan.

Joel 2:14

Tibaad magliwat nin isip an Kagurangnan na saindong Dios asin bendisyonan kamo nin dakulang ani. Dangan madodolotan nindo siya nin trigo saka arak.

Levitico 14:10

Sa ikawalong aldaw, madara siya nin duwang lalaki saka sarong babaeng kordero na manangtaon pa sana asin mayo nin kaninan; tolong kilong arina na sinalakan nin lana nin oliba asin ikatolong parte kan sarong litro nin lana nin oliba.

Levitico 24:7

Dangan bugtakan nindo nin purong insenso an lambang taytay bilang sarong giromdom na dolot na pagkakan sa Kagurangnan kasalihid kan tinapay.

Levitico 5:11

Alagad kun dai niya kayang magdolot nin duwang salampati o duwang agbaan, madara siya nin sarong kilong arina bilang dolot para sa saiyang kasalan. Dai niya iyan bubugtakan nin lana nin oliba o nin insenso, huli ta iyan sarong dolot para sa kasalan asin bakong dolot na pagkakan.

Levitico 6:7

Idodolot kan padi an atang para sa kasalan kan nasabing tawo asin papatawadon siya.

Levitico 9:17

Idinolot man niya an dolot na pagkakan; huminakbot siya nin sarong gugom kan arina dangan sinulo niya sa altar, laen pa kan tinutong na atang sa pagkaaga.

Levitico 9:4

Magdara man sinda nin sarong torong baka asin saro pang karnero bilang dolot para sa katoninongan. Tututongon nindo iyan para sa Kagurangnan kaiba an dolot na pagkakan na sinalakan nin lana. Kaipuhan gibohon nindo iyan huli ta mapahiling saindo an Kagurangnan ngunyan na aldaw.”

Malakias 1:11

Inoomaw ako kan katawohan magpoon sa sarong poro kan kinaban sagkod sa ibong na poro kaiyan. Nagtututong sinda nin insenso sa sako saen man na lugar asin nagdodolot sinda nin maninigong mga sakripisyo. Gabos sinda nag-oomaw sako!

Mga Bilang 18:9

Sa mga dolot na orog kabanal na dai tinutong sa altar, an minasunod iyo an saimong kahirasan: an dolot na pagkakan, an dolot para sa kasalan, asin an dolot nin kabayadan. Mapapasaimo asin sa mga aki mo an gabos na idinodolot sako bilang sarong sagradong dolot.

Mga Bilang 28:5

an lambang saro iibahan nin sarong kilo kan pinakamarahay na arinang trigo na minasa sa sarong litro kan pinakamarahay na lana nin oliba.

Mga Bilang 29:18

Kaiba kan mga iyan, idolot nindo an gabos na dolot na hinahagad para sa enot na aldaw.

Mga Bilang 8:8

Pakatapos, padarahon mo sinda nin torilyong baka, kaiba an dolot na pagkakan na arinang sinalakan nin lana; makua ka man nin sarong torong baka bilang dolot para sa kasalan.

Juan 6:35

“Ako an tinapay nin buhay,” an sabi ni Jesus. “An magdolok sako dai na magugutom; an magtubod sako dai na mapapaha.

1 Juan 2:20

Alagad iwinaras na saindo ni Cristo an Espiritu Santo, kaya kamo gabos nakakaaram kan katotoohan.

1 Juan 2:27

Alagad manongod saindo, winarasan na kamo ni Cristo kan saiyang Espiritu. Kaya dai na kamo kaipuhan pang tukdoan nin siisay man, huli ta an saiyang Espiritu mismo iyo an nagtutukdo saindo kan gabos na bagay; an itinutukdo niya totoo, bakong putik. Kaya kuyoga nindo an itinukdo saindo, asin magdanay kamong sararo ki Cristo.

Judas 1:20

Alagad kamo, mga namomotan, magmasarig kamo sa saindong orog kabanal na pagtubod. Mamibi kamo sa paagi kan kapangyarihan kan Espiritu Santo,

Kapahayagan 8:3

May nagluwas naman na anghel na may darang bulawan na insensaryo asin nagtindog siya sa atubangan kan altar; tinawan siya nin dakul na insenso na idodolot, kaiba kan mga pamibi kan gabos na banal, sa altar na bulawan na yaon sa atubangan kan trono.