Levitico 19:5 - Marahay na Bareta Biblia

⁵ “Kun magbuno kamo nin hayop bilang dolot para sa katoninongan, otobon nindo an itinao kong mga pagsusundon asin aakoon ko an dolot.

Levitico 19:5 ပူးပေါင်းရင်းမြစ်များ

2 Mga Cronica 31:2

Pinaggrupo-grupo giraray ni Hadeng Ezekias an mga padi asin an mga Levita, sosog sa saindang mga katongdan. Kaiba digdi an pagdolot nin mga tinutong na atang asin mga atang para sa katoninongan, an pag-ayon sa gawe nin pagsamba sa Templo dangan an pagtao nin kaomawan saka pasasalamat sa manlaen-laen na kabtang kan Templo.

Exodo 24:5

Dangan nagsugo siya nin nagkapirang hoben na lalaki nin Israel na magdolot nin mga tinutong na atang asin magsakripisyo nin mga baka bilang dolot para sa katoninongan.

Ezekiel 46:12

“Kun an prinsipe boot magtao nin boluntad na atang sa Kagurangnan, tinutong na atang man o dolot para sa katoninongan, bubukasan an trangkahan sa sirangan para saiya. Idodolot niya an tinutong na atang o an dolot para sa katoninongan sa parehong paagi kan pagdolot niya kun Sabbath. Dangan seserahan an trangkahan pakaluwas niya.”

Ezekiel 46:2

Hale sa patyong nasa luwas, an prinsipe malaog sa dakulang kwarto sa may trangkahan, dangan matindog sa may harigi kan trangkahan, mantang an mga padi nagdodolot kan mga tinutong na atang saka mga atang para sa katoninongan. Duman siya sa may trangkahan masamba dangan maluwas; alagad an trangkahan dai seserahan sagkod magbanggi.

Levitico 1:3

Kun sarong baka an idodolot niya bilang tinutong na atang, kaipuhan lalaki iyan asin mayo nin kaninan. Idodolot niya iyan duman sa may pintoan kan Tabernakulo tanganing akoon siya nin Kagurangnan.

Levitico 19:4

“Dai kamo magtalikod sako asin magsamba sa mga ladawan; dai kamo maggibo nin mga dios-dios na gibo sa metal dangan magsamba sainda. Ako an Kagurangnan na saindong Dios.

Levitico 19:6

An karne kaipuhan na kakanon sa aldaw na ginadan an hayop o sa masunod na aldaw. Kun igwa pang matada sa ikatolong aldaw, susuloon iyan,

Levitico 22:19

Tanganing akoon ko an dolot, kaipuhan lalaki an hayop asin mayo nin kaninan.

Levitico 22:21

Kun may magdara sa Kagurangnan nin dolot para sa katoninongan sa pag-otob nin sarong panuga o bilang sarong boluntad na dolot, kaipuhan mayo nin kaninan an hayop, tanganing akoon ko iyan.

Levitico 22:23

Bilang boluntad na dolot, pwede nindong idolot an sarong hayop na dai nagdakula o may makanos na hawak; alagad dai iyan aakoon kun idolot nindo iyan sa pag-otob nin sarong panuga.

Levitico 22:29

Kun magdolot kamo nin sakripisyo nin pasasalamat sa Kagurangnan, sunodon nindo an mga pagboot tanganing akoon iyan.

Levitico 7:16

Alagad kun an dolot para sa katoninongan idolot niya bilang pag-otob nin sarong panuga o bilang sarong boluntad na dolot, dai kaipuhan na uboson iyan sa laog kan aldaw na idinolot iyan; an matada pwedeng kakanon sa masunod na aldaw.

Levitico 7:18

Kun kakanon pa an natadang karne sa ikatolong aldaw, dai na aakoon nin Dios an kagdolot. Dai iyan ipapanongod sa kagdolot; magigin maati iyan. Papadusahan an siisay man na kumakan kaiyan.