Levitico 19:36 - Marahay na Bareta Biblia

³⁶ Gamiton nindo an tamang sukol, tamang timbang asin tamang bilang. Ako an Kagurangnan na saindong Dios na nagluwas saindo hale sa Egipto.

Levitico 19:36 ပူးပေါင်းရင်းမြစ်များ

1 Mga Cronica 23:29

Matabang man sinda sa pag-andam kan tinapay na dolot sa Dios, kan arina para sa dolot na pagkakan, kan maninipis na mga tinapay na mayo nin lebadura, kan mga hinornong dolot, dangan kan mga dolot na sinalakan nin lana nin oliba. Sinda man an matimbang asin masukol kan gabos na dolot sa Templo.

Exodo 20:2

“Ako an Kagurangnan na saindong Dios na nagdara saindo sa luwas kan daga nin Egipto, sa luwas kan harong nin kaoripnan.

Mga Talinhaga 11:1

Ikinakauyam nin Kagurangnan an timbangan na may daya. Naoogma siya sa timbangan na tama.

Mga Talinhaga 16:11

Boot nin Kagurangnan an tamang timbang saka sukol, asin an matanos na pagpabakal.

Mga Talinhaga 20:10

Naoongisan nin Kagurangnan an mga tawong naggagamit nin may dayang timbangan saka sukolan.

Ezekiel 45:10

“Maggamit kamo nin mga timbangan saka mga sukol na mayo nin daya:

Levitico 11:45

Ako an Kagurangnan na nagluwas saindo sa daga nin Egipto tanganing ako an magin Dios nindo. Kaya magin banal kamo, huli ta ako banal.

Levitico 19:37

Kuyogon nindo an gabos kong togon saka pagboot. Ako an Kagurangnan.”

Mikas 6:11

Paano ko mapapatawad an mga tawong naggagamit nin salang takadan saka timbangan?

Zacarias 5:6

Naghapot ako, “Ano iyan?” “Sarong basket, asin simbolo iyan kan makuring kasalan kan bilog na daga,” an simbag niya.