Levitico 19:35 - Marahay na Bareta Biblia

³⁵ “Dai nindo pagdayaon an siisay man huli sa paggamit nin salang sukolan sa laba, sa gabat o sa bilang.

Levitico 19:35 ပူးပေါင်းရင်းမြစ်များ

1 Mga Cronica 23:29

Matabang man sinda sa pag-andam kan tinapay na dolot sa Dios, kan arina para sa dolot na pagkakan, kan maninipis na mga tinapay na mayo nin lebadura, kan mga hinornong dolot, dangan kan mga dolot na sinalakan nin lana nin oliba. Sinda man an matimbang asin masukol kan gabos na dolot sa Templo.

Mga Talinhaga 11:1

Ikinakauyam nin Kagurangnan an timbangan na may daya. Naoogma siya sa timbangan na tama.

Mga Talinhaga 16:11

Boot nin Kagurangnan an tamang timbang saka sukol, asin an matanos na pagpabakal.

Mga Talinhaga 20:10

Naoongisan nin Kagurangnan an mga tawong naggagamit nin may dayang timbangan saka sukolan.

Ezekiel 45:10

“Maggamit kamo nin mga timbangan saka mga sukol na mayo nin daya:

Levitico 19:15

“Dai kamo maghukom na bakong matanos; dai kamo magpahiling nin pagsurog sa mga dukha o pagkatakot sa mga mayaman, alagad sa katanosan, hukoman nindo an saindong kapwa.

Mikas 6:1

Dangoga an reklamo nin Kagurangnan laban sa Israel. Pagbangon, O Kagurangnan, asin pahayagan an saimong reklamo; padangoga an kabukidan saka kabubuldan kan sasabihon mo.

Mateo 7:2

Huli ta huhusgaran kamo nin Dios siring kan paghusgar nindo; kun ano an sukol na ginagamit nindo, iyo man an gagamiton saindo.

Deuteronomio 25:13

“Dai kamo maggamit nin duwang klaseng pagabat sa saindong timbangan; sarong magabat asin sarong magian.

Deuteronomio 25:15

Maggamit kamo nin tama asin mayong daya na mga timbangan saka takadan, tanganing maghalawig an saindong buhay duman sa daga na itatao saindo nin Kagurangnan na saindong Dios.