Levitico 19:28 - Marahay na Bareta Biblia

²⁸ Dai nindo pagbugtakan nin tato o paglugadan an saindong hawak sa pagmondo sa gadan. Ako an Kagurangnan.

Levitico 19:28 ပူးပေါင်းရင်းမြစ်များ

1 Mga Hade 18:28

Kaya orog na namibi nin makosog an mga propeta. Linugad ninda an saindang sadiri sa paagi nin mga kutsilyo asin mga punyal, sosog sa saindang kaugalean, sagkod na nagburulos an saindang dugo.

Jeremias 16:6

An mayaman saka an dukha magagadan sa dagang ini; dai sinda ilulubong ni tatangisan. Mayo nin siisay man na malugad kan saiyang sadiri ni maaris kan saiyang buhok tanganing ipahiling an saiyang pagmondo para sainda.

Jeremias 48:37

Inaris ninda an saindang buhok saka inahit an saindang barabas. Linugad ninda an saindang mga kamot saka nagsulot nin sako.

Levitico 19:27

Dai nindo pagguntingan an buhok na yaon sa gilid kan saindong payo o pagputolan an poro kan saindong barabas.

Levitico 19:29

“Dai nindo paggibohon na mga maraot na babae sa templo an saindong mga aking babae; kun gibohon nindo iyan, magsasaramba na kamo sa ibang mga dios-dios, asin mapapano nin karatan an bilog na daga.

Levitico 21:1

Tinaraman nin Kagurangnan si Moises, “Sabihan mo an mga pading aki ni Aaron na dai nin siisay man sainda na mag-ati sa sadiri huli sa pakipaglubong sa sarong kadugo,

Levitico 21:11

Kaya maski an gadan iyo an saiyang ama o ina, dai siya dapat na magdolok; magigin maati siya kun gibohon niya iyan.

Levitico 21:5

“Dai nin siisay man na padi na mag-aris kan arin man na parte kan saiyang payo o magputol kan saiyang barabas o maglugad kan saiyang hawak sa pagpahiling na siya nagmomondo.

Markos 5:5

Aldaw-banggi sige sana an lakaw niya, nagkukurahaw siya sa mga lulubngan asin kabubuldan, saka linulugadan niya kan gapo an sadiri niyang hawak.

Juan 20:25

Kaya sinabihan siya kan ibang mga disipulo, “Nahiling mi an Kagurangnan!” Alagad sinabihan sinda ni Tomas, “Sagkod dai ko nahihiling an labot kan mga pako sa saiyang mga kamot asin ikalaog diyan an sakong muro, dangan an sakong kamot sa saiyang hirog, dai ako matubod.”

Deuteronomio 14:1

“Kamo an banwaan nin Kagurangnan na saindong Dios. Kaya kun kamo magmondo para sa gadan, dai nindo paglugadan an saindong hawak o pag-arisan an saindong angog siring kan ginigibo nin iba.

Kapahayagan 14:11

An aso kan kalayong magpapasakit sainda, mag-iitaas sagkod pa man. An mga nagsamba kan hayop asin kan saiyang ladawan, saka nag-ako kan marka kan ngaran kaiyan, mayo nin kapahingaloan aldaw-banggi.”

Kapahayagan 14:9

May nagsunod naman na ikatolong anghel na nagtaram sa makosog na tingog, “An siisay man na magsamba sa hayop asin sa ladawan kaiyan, dangan mag-ako kan marka sa saiyang angog o sa saiyang kamot,

Kapahayagan 15:2

Dangan nakahiling ako nin garo dagat na salming na may kasalak na kalayo. Nahiling ko man an mga nakadaog sa hayop saka sa saiyang ladawan asin sa saro na an ngaran nasasambit sa numero. An mga nakadaog na ini nagtitindog sa tampi kan dagat na salming, kapot an mga arpa na itinao sainda nin Dios.

Kapahayagan 16:2

Nagduman an enot na anghel saka inula sa daga an nasa saiyang mangko. An mga tawong may marka kan hayop saka an mga nagsamba sa ladawan kaiyan, linuwasan nin makangingirhat saka makukulog na mga gatok.

Kapahayagan 19:20

Nabihag an hayop, kaiba an bakong tunay na propeta na nagpahiling nin mga milagro sa atubangan kan hayop. (Huli kan mga milagrong idto nadaya niya idtong mga may marka kan hayop saka an mga nagsamba sa ladawan kan hayop.) An hayop dangan an bakong tunay na propeta parehong itinapok na buhay duman sa danaw nin naglalaad na asupre.

Kapahayagan 20:4

Dangan nakahiling ako nin mga trono. An mga nakatukaw duman iyo an tinawan nin kapangyarihan na maghukom. Nahiling ko man an mga kalag kan mga ginaradan huli kan saindang pagpatotoo dapit ki Jesus saka dapit sa tataramon nin Dios. Dai sinda nagsamba sa hayop o sa ladawan kaini; dai man sinda nagpabugtak kan marka kan hayop sa saindang mga angog o mga kamot. Nabuhay sinda dangan naghade kaiba ni Cristo sa laog nin sangribong taon.