Levitico 19:26 - Marahay na Bareta Biblia

²⁶ “Dai kamo magkakan kan arin man na karne na igwa pa nin dugo. Dai kamo maggibo nin ano man na klase nin salamangka.

Levitico 19:26 ပူးပေါင်းရင်းမြစ်များ

Genesis 44:5

Tano ta hinabon nindo an platang kalis kan sakong kagurangnan? An kalis na idto an saiyang iniinoman asin ginagamit sa paghula. Grabe an saindong naginibong pagkakasala!’”

Genesis 9:4

Alagad dai nanggad kamo magkakan nin karne na igwa pang dugo; ipinapangalad ko iyan huli ta an buhay yaon sa dugo.

2 Mga Hade 17:17

Tinutong ninda an saindang mga aking lalaki saka babae bilang mga atang. Naghula saka nangkulam sinda, asin itinalaga ninda an saindang sadiri sa paggibo kan maraot sa atubang nin Kagurangnan; pinaanggot ninda an Kagurangnan.

2 Mga Hade 21:6

Isinakripisyo niya an saiyang aking lalaki bilang tinutong na atang. Naghula siya asin nagsalamangka. Nakihumapot siya sa mga parahula asin sa mga tawong nakikipag-olay sa mga espiritu. Nagkasala siya nin makuri sa Kagurangnan, na pinaanggot niya nin marahay.

2 Mga Cronica 33:6

Isinakripisyo niya an saiyang mga aking lalaki bilang mga tinutong na atang duman sa Kapantayan nin Hinnom. Naghula siya, nagsalamangka asin nangkulam. Nakihumapot siya sa mga parahula asin sa mga tawong nakikipag-olay sa mga espiritu. Nagkasala siya nin makuri sa Kagurangnan, na pinaanggot niya nin marahay.

Exodo 7:11

Dangan ipinaapod kan hade an mga tawong madodonong asin an mga salamangkero kan Egipto, na huli kan saindang tagong kadonongan naarog ninda an ginibo ni Aaron.

Exodo 8:7

Alagad ginamit kan mga salamangkero an saindang tagong kadonongan, asin nagpaluwas man sinda nin mga talapang.

Jeremias 10:2

Nagsabi siya, “Dai nindo pag-arogon an gibo kan ibang mga nasyon; dai kamo matakot sa mga tanda na nahihiling sa kalangitan, maski natatakot kaiyan an ibang mga nasyon.

Daniel 2:10

Nagsimbag an mga parahatol, “Mayo nin siisay man sa ibabaw nin daga na pwedeng magsabi sa Mahal na Hade kan boot niyang maaraman. Mayo nin hade, maski na an pinakadakula asin pinakamapangyari, na naghagad nin siring na bagay sa saiyang mga parahula, salamangkero, asin mga madonong.

Levitico 19:25

Alagad sa ikalimang taon, an ibubunga kaiyan pwede na nindong kakanon. Kun gibohon nindo ini, orog na mamumunga an mga kahoy nindo. Ako an Kagurangnan na saindong Dios.

Levitico 3:17

Sagkod pa man dai nin siisay man sa mga Israelita an pwedeng magkakan kan taba saka dugo; iyan sarong pagboot na kukuyogon kan gabos na Israelita saen man sinda mag-erok.

Levitico 7:26

Saen man mag-erok an mga Israelita, dai nanggad sinda magkakan kan dugo kan gamgam o hayop.

Malakias 3:5

Nagsasabi an Kagurangnan nin mga hukbo, “Madatong ako sa tahaw nindo sa paghukom, asin ako an masaksi laban sa mga parakulam, sa parasambay, sa mga nagsasaksi nin putik, sa mga nagdadaya kan bayad kan mga parapatandan, asin sa mga nang-aapi sa mga babaeng balo, mga ilo, asin mga dayuhan—sa gabos na dai minagalang sako.

Mga Gibo 15:20

Tama na an pagsurat sainda na dai magkakan nin kakanon na idinolot sa mga dios-dios, na dai magdorog sa bako ninda agom, asin dai magkakan kan karne nin tinook na hayop o kan dugo.

Deuteronomio 12:16

Alagad dai nanggad kamo magkakan kan saindang dugo kundi iula nindo iyan sa daga siring sa tubig.

Deuteronomio 12:23

Alagad dai kamo magkakan nin karne na igwa pa nin dugo, huli ta an buhay yaon sa dugo; dai nanggad nindo pagkakanon an dugo kaiba kan karne.

Deuteronomio 15:23

Alagad dai nindo pagkakanon an dugo kaiyan, kundi iula nindo iyan sa daga siring sa tubig.

1 Samuel 14:32

kaya hidali nindang kinua an saindang sinamsam, an mga karnero saka mga baka; binuruno ninda idto duman mismo sa lugar na nakuahan ninda dangan kinakan an karne na igwa pa nin dugo.

1 Samuel 14:33

Nagsumbong sinda ki Saul, “Hilinga, nagkakasala sa Kagurangnan an mga tawo huli sa pagkakan kan karneng igwa pa nin dugo.” Nagkurahaw si Saul, “Mga parapasaluib! Paligida nindo digdi an sarong dakulang gapo.”

1 Samuel 15:23

Huli ta an pagrebelde arog sa kasalan nin panghuhula; an katagasan nin payo arog sa kasombikalan asin sa pagsamba sa ladawan. Huli ta sinayumahan mo an pagboot nin Kagurangnan, isinikwal ka man niya bilang hade.”