Levitico 19:19 - Marahay na Bareta Biblia

¹⁹ “Kuyogon nindo an sakong mga pagboot. Dai nindo pagpalahian sa ibang klase an saindong mga hayop. Dai kamo magtanom nin duwang klaseng banhi sa sarong oma. Dai kamo magsulot nin gubing na gibo sa duwang klaseng tela.

Levitico 19:19 ပူးပေါင်းရင်းမြစ်များ

Genesis 36:24

An mga aking lalaki ni Zibeon iyo si Aias asin si Ana. (Iyo ini an Ana na nakahiling kan mainit na mga burabod sa kalangtadan kan binabantayan niya an mga asno kan ama niyang si Zibeon.)

2 Samuel 13:29

Sinunod kan mga sorogoon an pagboot ni Absalom; ginadan ninda si Amnon. Dangan nagtirindog an gabos na aking lalaki kan hade, nagrulunad sa saindang mga mula asin nagdurulag.

2 Samuel 18:9

Nasabat ni Absalom an nagkapirang tawohan ni David. Nakalunad siya sa sarong mula asin kan magsurok an mula sa irarom kan mahibog na mga sanga kan hamurawon na kahoy, nakasabit an saiyang payo sa mga sanga. Nagpadagos an mula sa pagdalagan kaya nawalat na nakabitay si Absalom.

1 Mga Hade 1:33

nagsabi an hade, “Ipag-iba nindo an sakong mga opisyal; pasakayon nindo an aki kong si Solomon sa sadiri kong mula asin ibahan nindo siya pasiring sa burabod nin Gihon.

Esdras 2:66

Ini an bilang kan saindang mga hayop: syete syentos treynta y seis na mga kabayo, dos syentos kwarenta y singkong mga mula,

Levitico 18:4

Kuyogon nindo an sakong mga togon asin gibohon nindo an sakong mga pagboot. Ako an Kagurangnan na saindong Dios.

Levitico 19:37

Kuyogon nindo an gabos kong togon saka pagboot. Ako an Kagurangnan.”

Levitico 20:8

Kuyogon nindo an sakong mga togon, huli ta ako an Kagurangnan, asin ako an nagpapabanal saindo.”

Levitico 22:31

“Kuyogon nindo an sakong mga pagboot; ako an Kagurangnan.

Levitico 25:18

“Kaya kuyogon nindo an sakong mga togon asin otobon nindo an sakong mga pagboot tanganing matoninong kamong mag-erok sa daga.

Lukas 5:36

Inosipon man sainda ni Jesus an parabolang ini, “Mayo nin siisay man na minatabas nin sarong pedaso nin tela sa bagong gubing tanganing itagubhang sa daan na gubing. Kun gibohon niya ini, natabas lamang niya an bagong gubing alagad an itinagubhang bakong angay sa daan.

Roma 11:6

Pinili sinda nin Dios huli kan saiyang biyaya, bakong huli sa mga ginibo ninda; ta kun dahel sa gibo, an biyaya nin Dios bakong tunay na biyaya.

Deuteronomio 4:1

Dangan sinabihan ni Moises an mga tawo, “Kuyogon nindo an gabos na togon asin pagboot na itinutukdo ko, tanganing mabuhay kamo asin masadirihan nindo an daga na itinatao saindo nin Kagurangnan, an Dios kan saindong mga ginikanan.

Deuteronomio 4:5

“Itinukdo ko saindo an gabos na togon asin pagboot, siring sa itinaram sako nin Kagurangnan. Kuyogon nindo iyan duman sa daga na lalaogon nindo asin sasadirihon.