Levitico 19:18 - Marahay na Bareta Biblia

¹⁸ Dai kamo magbalos o magrimpos nin maraot na boot sa kiisay man, kundi kamotan nindo an saindong kapwa siring kan pagkamoot nindo sa saindo man sana. Ako an Kagurangnan.

Levitico 19:18 ပူးပေါင်းရင်းမြစ်များ

Genesis 4:23

Sinabihan ni Lamec an saiyang mga agom “Pagdangog kamo, Ada asin Zilla: Guminadan ako nin sarong hoben huli ta kinulogan niya ako.

2 Samuel 13:22

Naongis nin marahay si Absalom ki Amnon huli kan paglupigi niya ki Tamar, kaya dai na niya kinakaolay si Amnon.

2 Samuel 13:28

dangan pinagbotan an saiyang mga sorogoon: “Tandaan nindo kun burat na si Amnon; dangan kun sabihan ko kamong, ‘Gadana nindo si Amnon,’ gadanon nindo siya. Dai kamo matakot; ako an bahala. Magmaisog kamo asin dai magduwa-duwa!”

Salmo 103:9

An saiyang kaanggotan igwa nin kataposan; dai siya naaanggot sagkod pa man.

Exodo 20:16

“Dai kamo magsaksi nin putik laban sa saindong kapwa.

Mga Talinhaga 20:22

Dai ka mag-isip na balosan nin maraot an maraot; halaton mo an Kagurangnan, asin tatabangan ka niya.

Levitico 19:34

Gibohon nindo sainda an ginigibo nindo sa kapwa nindo Israelita. Kamotan nindo sinda siring kan pagkamoot nindo sa saindo man sana. Giromdomon nindo na kamo nagin mga dayuhan man sa Egipto. Ako an Kagurangnan na saindong Dios.

Mateo 19:16

Igwa nin sarong lalaki na nagduman ki Jesus asin naghapot, “Maestro, anong marahay na gibo an dapat kong gibohon tanganing makamtan ko an buhay na daing kataposan?”

Mateo 19:19

galangan mo an saimong ama asin ina; kamotan mo an saimong kapwa siring kan pagkamoot mo sa sadiri mo.”

Juan 13:34

Tinatawan ko kamo nin bagong togon: magkaminorootan kamo. Magkaminorootan kamo arog kan pagkamoot ko saindo.

Mga Gibo 16:28

Alagad kinurahawan siya ni Pablo, “Dai mo paggibohon iyan! Uya kami gabos!”

Roma 12:17

Kun gibohan kamo nin maraot, dai kamo magbalos nin maraot. Hingowahon nindong danay na magibo an pinaghohonang marahay kan gabos na tawo.

Roma 12:19

Namomotan kong mga tugang, dai nanggad kamo magbalos; pabayaan nindong an kaanggotan nin Dios an magbalos, huli ta nasusurat, “Sako an pagbalos, ako an mabayad, an sabi nin Kagurangnan.”

Roma 13:4

Huli ta siya sorogoon nin Dios na naglilingkod para sa ikakarahay mo. Alagad kun maraot an gibo mo, dapat kang matakot saiya huli ta may kapangyarihan siya sa pagpadusa saimo. Sorogoon siya nin Dios asin dara niya an padusa nin Dios sa mga tawong maraot an gibo.

Roma 13:9

Ining mga togon, “Dai ka magdorog sa bako mong agom; dai ka maggadan; dai ka maghabon; dai ka maara,” dangan an iba pang mga togon, nabibilog sa saro sanang togon, “Kamotan mo an kapwa mo, arog kan pagkamoot mo sa sadiri mo.”

Galacia 5:14

Huli ta an bilog na Katogonan naootob sa saro sanang togon, “Kamotan mo an saimong kapwa siring sa pagkamoot mo sa sadiri mo.”

Galacia 5:20

pagsamba sa mga dios-dios, pagtubod sa kulam, pag-iriwal, karibokan, pag-imon, aranggotan, pagkamaimot, pagkabaranga, pag-apil sa partido o grupo;

Efeso 4:31

Ontokon na nindo an mga kapaitan, pagkaongis, kaanggotan, pagkurahaw, pakaraot saka mga maraot sa boot.

Deuteronomio 32:25

An gera manggagadan sa mga tinampo. An takot mahampak sa mga harong. Mga hoben na lalaki saka babae magagadan, sagkod an omboy na pasusuhon asin an ubanon na gurang.

Deuteronomio 32:35

An Kagurangnan an mabalos asin mapadusa sainda; maabot an panahon nin saindang pagkapadungkal; harani na an panahon nin saindang pagkagadan.

Colosas 3:8

Alagad ngunyan dai na nindo paggibohon an mga bagay na ini: kaanggotan, pagkaongis, maraot na boot, pagpakaraot saka mga rapsak na tataramon.

Hebreyo 10:30

Huli ta midbid nyato an nagsabi, “Ako an mabalos, ako an mabayad.” Nagsabi pa siya, “Huhukoman nin Kagurangnan an saiyang banwaan.”

Santiago 2:8

Tama an saindong gibo kun inootob nindo an katogonan nin Dios na nasa kasuratan, “Kamotan mo an saimong kapwa siring sa sadiri mo.”

1 Pedro 2:1

Kaya halea nindo an gabos na karatan; an gabos na kaputikan, pagsagin-sagin, pagkaori asin pagpakaraot.

1 Juan 4:21

Ini an togon na itinao sato ni Cristo: an siisay man na namomoot sa Dios dapat na mamoot man sa saiyang tugang.