Levitico 19:17 - Marahay na Bareta Biblia

¹⁷ “Dai kamo magtanom nin maraot na boot sa kiisay man; makipag-olay kamo saiya, tanganing dai kamo magkasala huli saiya.

Levitico 19:17 ပူးပေါင်းရင်းမြစ်များ

Genesis 27:41

Anggot na marahay si Esau ki Jacob huli ta benendisyonan ini kan saiyang ama. Nagsaboot si Esau, “Madali na an panahon na ipagmomondo an kagadanan kan sakong ama; dangan ko gagadanon an tugang kong si Jacob.”

2 Samuel 13:22

Naongis nin marahay si Absalom ki Amnon huli kan paglupigi niya ki Tamar, kaya dai na niya kinakaolay si Amnon.

Nehemias 13:17

Inanggotan ko an mga lider nin Juda asin sinabihan, “Ano ining karatan na ginigibo nindo? Dai nindo pinapabanal an Sabbath!

Salmo 141:5

Pwede akong padusahan o sagweon nin tawong matanos sa pagkaherak; alagad dai ako maako nin kaomawan sa kamot kan tampalasan, huli ta danay akong namimibi tumang sa saindang karatan.

Mga Talinhaga 9:8

Dai mo pagsawayon an paratuyatuya huli ta maoongis siya saimo. Sagweon mo an tawong madonong, asin mamomoot siya saimo;

Lukas 17:3

Kaya mag-ingat kamo! “Kun an tugang mo magkasala saimo, sagweon mo siya; kun magbakle siya, patawada.

Roma 1:32

Aram nindang sinasabi sa katogonan nin Dios na maninigong gadanon an mga tawong arog kaiyan an ginigibo, alagad padagos pa sinda sa paggibo nin maraot asin inooyonan pa ninda an mga naggigibo nin siring.

1 Corinto 5:2

Dangan nagpapaabaw-abaw pa kamo! Dapat kutanang magmondo kamo! An tawong siring an gibo dapat isikwal sa saindong katiriponan.

Galacia 6:1

Mga tugang, kun igwa kamong madakop na naggigibo nin anoman na sala, kamo na nag-ako kan Espiritu nin Dios an dapat na magtabang saiya na magin matanos giraray. Alagad gibohon nindo iyan sa mahuyong paagi. Kamo man dapat maglikay ta tibaad kamo man an masogotan.

Efeso 5:11

Dai kamo mag-ayon sa mga mayong halagang gibo nin kadikloman, kundi ihayag nindo sa liwanag an mga gibong iyan. (

1 Timoteo 5:20

Sagweon mo sa atubangan kan gabos an mga padagos na nagkakasala tanganing magkatarakot an iba.

1 Timoteo 5:22

Dai ka magmadali sa pagdoon nin kamot sa pagkonsagra sa kiisay man sa trabaho nin Kagurangnan. Dai ka magpadamay sa kasalan kan iba, kundi magdanay kang malinig.

2 Timoteo 4:2

na ipaghulit mo an mensahe, magmaigot ka sa pagpahayag kaiyan, nasa panahon man o bako; mandagka ka, magsagwe, saka magsadol; gabos gibohon na may kahoyoan asin tanganing makatukdo.

Tito 1:13

Tama an sinabi niya, kaya sagweon mo sinda tanganing magkosog sinda sa pagtubod,

Tito 2:15

Itukdo mo an mga bagay na ini, saka gamita an bilog mong kapangyarihan sa pagsadol saka sa pagsagwe sa mga nagdadangog saimo. Dai mo pagtugotan na pagbasang-basangon ka nin siisay man.

1 Juan 2:11

Alagad an naoongis sa saiyang tugang nabubuhay sa kadikloman; naglalakaw siya sa kadikloman asin dai niya aram kun saen siya maduman, huli ta binuta siya kan kadikloman.

1 Juan 2:9

An siisay man na nagsasabi na siya nasa liwanag, alagad naoongis sa saiyang tugang, nasa kadikloman pa.