Levitico 19:13 - Marahay na Bareta Biblia

¹³ “Dai nindo pag-apihon o paghabonan an saindong kapwa. Dai nindo pag-abalahon an sweldo nin sarong parapatandan minsan sarong banggi sana.

Levitico 19:13 ပူးပေါင်းရင်းမြစ်များ

An Libro ni Job 17:5

Igwang kasabihan, na an siisay man na nagpapasaluib sa saiyang katood huli sa kwarta, magtitios huli kaiyan an saiyang mga aki.

An Libro ni Job 31:39

kun sakong kinakan an bunga kan tanom na nagtalubo diyan alagad ginutom ko an mga paraoma na nagtanom kaiyan—

An Libro ni Job 7:2

siring sa oripon na naghihidaw kan malipot na limpoy, arog sa parapatandan na naghahalat kan saiyang bayad.

Exodo 20:15

“Dai kamo maghabon.

Exodo 22:13

Kun an hayop ginadan nin mga lalaw na hayop, ipapahiling kan nag-ataman an natadang parte kan hayop bilang ebidensya asin dai siya kaipuhan magbayad para sa ginadan na hayop.

Exodo 22:15

Alagad kun yaon duman an kagsadiri kan mangyari ini, dai na mabayad an nagsubli; kun an hayop inarkila, an arkila iyo na an magigin bayad.

Exodo 22:21

“Dai nindo pagpasakitan o pagdaog-daogon an sarong dayuhan; giromdomon nindo na nagin mga dayuhan man kamo sa Egipto.

Exodo 22:7

“Kun ipasaray nin sarong tawo sa saiyang kataed an saiyang kwarta o an ano man na pagrogaring niya, asin hinabon ini sa harong kan nagsaray, mabayad nin doble an mahabon kun siya madakop.

Mga Talinhaga 20:10

Naoongisan nin Kagurangnan an mga tawong naggagamit nin may dayang timbangan saka sukolan.

Mga Talinhaga 22:22

Dai mo paghabonan an dukha huli ta siya dukha, o pag-apihon an mayong sukat sa atubang kan hukoman.

Mga Talinhaga 3:28

Dai ka nanggad magsabi sa saimong kapwa na maghalat sagkod sa sunod na aldaw, kun makakaya mong tabangan siya ngunyan.

Jeremias 22:13

Herak man sa tawo na nagtutugdok kan saiyang harong huli sa inhustisya asin nagpapadakula kaiyan huli sa pandadaya; pinapatrabaho niya an saiyang mga kahimanwa na mayo nin bayad, dai niya itinatao an tandan ninda.

Jeremias 22:3

“Ako, an Kagurangnan, nagboboot saindo na gibohon nindo an matanos asin tama. Iligtas nindo sa madaya an dinadaya. Dai nindo paggibohan nin maraot o pag-apihon an mga dayuhan, mga ilo, asin an mga babaeng balo; dai nindo paggadanon an mga tawong mayong sala sa lugar na ini.

Ezekiel 18:7

Dai siya nandadaya o nanghahabon sa kiisay man. Ipinupuli niya an bagay na isinangra kan nag-utang saiya; pinapakakan niya an nagugutom asin ginugubingan an mga huba.

Ezekiel 22:12

An iba sa sainda nagpapatandan tanganing manggadan. An iba nagpapautang sa kapwa Israelita na igwa nin dakulang tubo. Nalingawan na ninda ako.” An Kagurangnan Dios an nagtaram.

Ezekiel 22:29

An mga mayaman nandadaya saka nanghahabon. Inaapi ninda an mga dukha asin pirit na kinikikilan an mga dayuhan.

Levitico 25:14

Kaya kun kamo nagpapabakal kan saindong daga sa kapwa nindo Israelita o kun kamo an nagbabakal nin daga, magbarakalan kamo sa matanos na paagi.

Levitico 25:17

Dai nindo pagdayaon an kapwa nindo Israelita, kundi magkaigwa kamo nin takot sa Dios; huli ta ako an Kagurangnan na saindong Dios.

Levitico 6:3

magputik kan manongod sa ano man na nawawara asin magsumpa na dai niya iyan nakua.

Malakias 3:5

Nagsasabi an Kagurangnan nin mga hukbo, “Madatong ako sa tahaw nindo sa paghukom, asin ako an masaksi laban sa mga parakulam, sa parasambay, sa mga nagsasaksi nin putik, sa mga nagdadaya kan bayad kan mga parapatandan, asin sa mga nang-aapi sa mga babaeng balo, mga ilo, asin mga dayuhan—sa gabos na dai minagalang sako.

Mateo 20:8

“Pagkabanggi, sinabihan kan kagsadiri an enkargado niya, ‘Apoda an mga trabahador asin bayade sinda kan saindang tandan. Enoton mo an mga nahuri, saka ipahudyan mo an mga naenot.’

Markos 10:19

Tatao ka kan mga togon: ‘Dai ka maggadan; dai ka magdorog sa bako mong agom; dai ka maghabon; dai ka magsaksi nin putik; dai ka magdaya; galangan mo an saimong ama asin ina.’”

Lukas 3:13

Sinimbag sinda ni Juan, “Dai kamo magsingil nin sobra sa itinalaan na buhis.”

1 Tesalonica 4:6

Sa bagay na ini mayo nin siisay man na magdigta o magraot sa saiyang tugang, huli ta makuri an padusa nin Kagurangnan sa gabos na maggibo kan mga bagay na ini, siring sa ipinatanid mi na saindo kaidto.

1 Timoteo 5:18

Huli ta nasasabi sa kasuratan, “Dai mo pagbusalan an ngoso kan baka kun iyan naggiginik.” Nasasabi man na, “An trabahador maninigong mag-ako kan saiyang tandan.”

Santiago 5:4

Dai nindo binayadan an mga nagtatrabaho sa saindong mga oma. Dangoga nindo an saindang mga reklamo! An mga kinurahaw ninda nadangog nin Dios, an Kagurangnan nin mga hukbo.