Levitico 19:12 - Marahay na Bareta Biblia

¹² Dai kamo magsumpa sa ngaran ko kun dai man sana nindo iyan ootobon; nagdadara iyan nin kasosopgan sa sakong ngaran. Ako an Kagurangnan na saindong Dios.

Levitico 19:12 ပူးပေါင်းရင်းမြစ်များ

Salmo 15:4

Ikinakaongis niya an mga isinisikwal nin Dios, alagad ginagalangan niya an mga may pagkatakot sa Kagurangnan. Inootob niya an saiyang panuga anoman an mangyari.

Exodo 20:7

“Dai nindo paggamiton an sakong ngaran nin basang lamang, huli ta ako, an Kagurangnan na saindong Dios, mapadusa sa kiisay man na magbasang-basang kan sakong ngaran.

Isaias 48:1

Dangoga nindo ini, banwaan nin Israel, kamo na naggikan ki Juda: Minasumpa kamo sa ngaran kan Kagurangnan asin minasabing sinasamba nindo an Dios nin Israel— alagad bakong tudok sa puso nindo an saindong sinasabi.

Jeremias 34:16

Alagad nagbago an saindong isip asin pinagbasang-basang nindo an sakong ngaran kan kuahon giraray nindo an mga oripon na tinalingkasan nindo sosog sa kamawotan nindo; pinirit nindo sinda na magin oripon giraray.

Jeremias 4:2

magigin matanos an pagsumpa nindo huli sa sakong ngaran. Dangan makikiolay sako an gabos na mga nasyon na bendisyonan ko sinda, asin oomawon ninda ako.”

Jeremias 5:2

Maski nagsasabi kamo na sinasamba nindo an Kagurangnan, iyan bakong tudok sa saindong puso.

Jeremias 7:9

Naghahabon kamo, nanggagadan, nagdodorog sa bakong agom, nanunumpa sa bakong katotoohan, nagdodolot nin mga sakripisyo ki Baal, asin nagsasamba sa mga dios-dios na dai man nindo midbid.

Levitico 18:21

Dai nindo ipagtao an arin man sa saindong mga aki tanganing tutongon para sa dios na si Molec, huli ta dadarahan nindo nin kasosopgan an ngaran kan saindong Dios, an Kagurangnan.

Levitico 20:3

Magigin kaiwal ko siya asin dai na ibibilang na kaayon sa sakuyang banwaan, huli ta dinidigtaan niya an sakong Tabernakulo asin sinosopog niya an sakong ngaran sa pagtao kan saro niyang aki ki Molec.

Levitico 6:3

magputik kan manongod sa ano man na nawawara asin magsumpa na dai niya iyan nakua.

Zacarias 5:3

Dangan sinabihan niya ako, “Nasusurat sa librong iyan an maldisyon na maluwas sa bilog na daga. Sa sarong lado kan libro nasusurat na an lambang mahabon gagadanon, asin sa ibong kaiyan nasusurat na an lambang magsaksi nin putik gagadanon man.

Zacarias 5:4

Nagtataram an Kagurangnan nin mga hukbo na papaluwason niya an maldisyon na ini, asin malaog iyan sa harong kan lambang mahabon asin lambang parasaksi nin putik; maontok iyan sa saindang mga harong dangan mahale kun gaba na an mga harong.”

Malakias 3:5

Nagsasabi an Kagurangnan nin mga hukbo, “Madatong ako sa tahaw nindo sa paghukom, asin ako an masaksi laban sa mga parakulam, sa parasambay, sa mga nagsasaksi nin putik, sa mga nagdadaya kan bayad kan mga parapatandan, asin sa mga nang-aapi sa mga babaeng balo, mga ilo, asin mga dayuhan—sa gabos na dai minagalang sako.

Deuteronomio 5:11

“‘Dai nindo paggamiton an sakong ngaran nin basang lamang, huli ta ako, an Kagurangnan na saindong Dios, an mapadusa sa kiisay man na magbasang-basang kan sakong ngaran.

Santiago 5:12

Orog sa gabos, mga tugang, dai kamo magsumpa kun nanunuga kamo; dai kamo magsumpa sa ngaran kan langit, o kan daga, o kan ano pa man na bagay. Kundi magsabi sana kamo nin “Iyo” kun iyo; asin “Dai” kun dai, tanganing dai kamo hukoman nin Dios.