Levitico 18:4 - Marahay na Bareta Biblia

⁴ Kuyogon nindo an sakong mga togon asin gibohon nindo an sakong mga pagboot. Ako an Kagurangnan na saindong Dios.

Levitico 18:4 ပူးပေါင်းရင်းမြစ်များ

Salmo 105:45

Tanganing otobon ninda an saiyang kabotan asin kuyogon an saiyang mga katogonan. Omawon an Kagurangnan!

Salmo 119:4

Itinao mo samo an saimong mga togon Kagurangnan, asin pinagbotan na maimbod nyamong kuyogon iyan.

Ezekiel 20:19

Ako an Kagurangnan na saindong Dios. Otobon nindo an sakong mga katogonan asin mga pagboot.

Ezekiel 36:27

Ibubugtak ko saindo an sakong espiritu asin gigibohon ko nanggad na magkuyog kamo sa sakong mga togon saka mag-otob kan mga pagboot na itinao ko saindo.

Ezekiel 37:24

Sarong hade na arog ki David na sakuyang sorogoon an magigin hade ninda. Magkakasararo sinda sa irarom kan pamamayo nin sarong hade asin maimbod na kukuyogon ninda an sakuyang mga togon.

Levitico 18:2

na sabihan an mga Israelita, “Ako an Kagurangnan na saindong Dios.

Levitico 18:26

Ginibo ninda an mga karigsokan na ini na nakapaati kan daga, alagad dai nanggad nindo paggibohon iyan. Kamo gabos, Israelita man o dayuhan na nakikihimanwa saindo, kaipuhan na magkuyog kan mga togon asin pagboot nin Kagurangnan,

Levitico 18:5

Sunodon nindo an mga pagboot saka mga togon na itinatao ko saindo; iyan an maligtas saindo. Ako an Kagurangnan.”

Levitico 19:19

“Kuyogon nindo an sakong mga pagboot. Dai nindo pagpalahian sa ibang klase an saindong mga hayop. Dai kamo magtanom nin duwang klaseng banhi sa sarong oma. Dai kamo magsulot nin gubing na gibo sa duwang klaseng tela.

Levitico 19:37

Kuyogon nindo an gabos kong togon saka pagboot. Ako an Kagurangnan.”

Levitico 20:22

Nagtaram an Kagurangnan, “Otobon nindo an gabos kong mga togon asin mga pagboot, tanganing dai kamo isuka kan daga nin Canaan na pagdadarahan ko saindo.

Lukas 1:6

An mag-agom na ini parehong banal; nagkukuyog sinda kan gabos na katogonan asin pagboot nin Kagurangnan.

Juan 15:14

Mga katood ko kamo kun gibohon nindo an mga ipinagboboot ko saindo.

Deuteronomio 6:1

“Iyo ini an gabos na togon na ipinagboot nin Kagurangnan, na saindong Dios, na itukdo ko saindo. Otobon nindo ini duman sa daga na saindong lalaogon asin sasadirihon.