Levitico 18:30 - Marahay na Bareta Biblia

³⁰ Kaya nagtaram an Kagurangnan, “Kuyogon nindo an mga ipinagboot ko saindo asin dai kamo mag-arog sa mga tawong naenot sa saindo na nag-erok sa daga. Dai kamo magpaati huli sa paggibo kan mga bagay na iyan. Ako an Kagurangnan na saindong Dios.”

Levitico 18:30 ပူးပေါင်းရင်းမြစ်များ

1 Mga Hade 14:24

Igwa man nin mga lalaking naggigibo nin karigsokan sa mga altar na pagsasambahan. Ginibo kan banwaan nin Juda an gabos na makasosopog na bagay na gibo kan mga tawong inalaw nin Kagurangnan kan an mga Israelita nagdangadang sa daga.

1 Mga Hade 21:26

Ginibo niya an makauuyam na mga kasalan huli sa pagsamba sa mga dios-dios arog kan ginibo kan mga Amoreo, na pinahale nin Kagurangnan mantang nagdadangadang an banwaan nin Israel sa dagang idto.)

Esdras 9:1

Pakatapos na magibo an gabos na ini, dinolok ako kan nagkapirang lider kan banwaan nin Israel dangan sinabihan, “An mga tawo, an mga padi, asin an mga Levita dai nagsuhay sa mga tawo na nag-eerok sa kataraed na mga nasyon nin Ammon, Moab, saka Egipto, o sa mga Cananeo, Heteo, Perezeo, Jebuseo saka Amoreo. Inaarog pa ninda an makauuyam na mga gawe kan mga ini.

Levitico 18:29

Huli ta an siisay man na gumibo kan arin man sa mga karigsokan na iyan, dai na ibibilang na kaayon sa banwaan nin Dios.

Levitico 19:1

Tinaraman nin Kagurangnan si Moises

Levitico 20:23

Dai nindo pag-arogon an mga kaugalean kan mga nag-eerok duman; isinusuka ko sinda, tanganing makalaog kamo sa saindang daga. Naggibo sinda nin mga karigsokan, kaya nauyam ako sainda.

Levitico 22:9

“Kaipuhan otobon kan gabos na padi an itinao kong mga pagboot, tanganing dai sinda magkasala asin magadan huli sa paglapas ninda kaiyan. Ako an Kagurangnan na nagpapabanal sainda.

Deuteronomio 11:1

“Kamotan nindo an Kagurangnan na saindong Dios, asin danay na kuyogon nindo an saiyang mga togon saka mga pagboot.

Deuteronomio 12:30

Pakatapos na rumpagon sinda nin Kagurangnan, dai nanggad nindo pag-arogon an saindang mga gawe nin pagsamba, huli ta iyan an magadan saindo. Dai nindo pagsiyasaton kun paano an pagsamba ninda sa saindang mga dios-dios, tanganing maarog man nindo.

Deuteronomio 12:31

Dai nindo pagsambahon an Kagurangnan na saindong Dios siring kan pagsamba ninda sa saindang mga dios-dios, huli ta sa saindang pagsamba, minagibo sinda nin mangirhat na mga bagay na ikinakaongis nin Kagurangnan. Maski an saindang mga aki tinututong ninda sa saindang mga altar.

Hukom 20:6

Ipinuli ko an saiyang bangkay asin sakong pinedaso dangan ipinadara sa doseng tribu nin Israel. Nakagibo nin dakulang karigsokan sa bilog na Israel an mga Benjaminita.