Levitico 18:25 - Marahay na Bareta Biblia

²⁵ Nagin maati pati an daga huli kan saindang mga gibo, kaya pinadusahan ko an daga, asin isinuka sinda kaini.

Levitico 18:25 ပူးပေါင်းရင်းမြစ်များ

1 Mga Hade 21:26

Ginibo niya an makauuyam na mga kasalan huli sa pagsamba sa mga dios-dios arog kan ginibo kan mga Amoreo, na pinahale nin Kagurangnan mantang nagdadangadang an banwaan nin Israel sa dagang idto.)

Esdras 9:11

na itinao mo samo sa paagi kan mga propeta na saimong mga sorogoon. Sinabihan ninda kami na, “An daga na saindong lalaogon asin sasadirihon sarong maating daga. Magpoon sa sarong poro kaiyan sagkod sa saro pang poro, pano iyan nin mga tawo na naggigibo nin makauuyam na mga bagay.

Salmo 106:38

Ginadan ninda idtong mga inosenteng kaakian, kaya an daga nadigtaan nin dugo kan siring na panggagadan.

Salmo 89:32

dangan papadusahan ko sinda huli kan saindang mga kasalan; papatioson ko sinda huli kan saindang mga karatan.

Isaias 24:5

Dinigtaan kan mga tawo an daga sa paglapas kan mga togon nin Dios asin sa paglapas kan tipan na daing kasagkoran.

Isaias 26:21

Huli ta madatong an Kagurangnan hale sa langitnon niyang erokan tanganing padusahan an mga tawo kan saindang mga kasalan. An mga panggagadan na ginibo sa hilom mahahayag, asin dai na tatagoon kan daga an mga bangkay kan mga nagkagaradan.

Jeremias 14:10

Nagsasabi an Kagurangnan manongod sa mga tawong ini, “Mas boot nindang magharayo sako, asin dai ninda pinugol an saindang sadiri. Kaya dai ko sinda nawiwilihan. Gigiromdomon ko an mga maraot nindang gibo asin papadusahan ko sinda huli kan mga kasalan ninda.”

Jeremias 16:18

Magbabayad sinda nin doble para sa saindang mga kasalan asin katampalasanan, huli ta dinigtaan ninda an sakong daga kan saindang mga dios-dios na arog sa mga bangkay na mayo nin buhay; pinano ninda an daga kan saindang mga bakong totoong dios.”

Jeremias 2:7

Dinara ko sinda sa sarong matubang na daga, tanganing magpakabasog sinda sa mga bunga asin sa iba pang marahay na mga bagay na makukua duman. Alagad paglaog ninda, rinaot ninda an sakong daga; dinigtaan ninda an dagang itinao ko sainda.

Jeremias 23:2

Iyo ini an itinaram nin Kagurangnan, an Dios nin Israel, manongod sa mga pamayo na dapat kutana nag-aataman kan saiyang banwaan: “Dai nindo inataman an banwaan ko; iwinarak nindo sinda saka isinubol sa harayo. Papadusahan ko kamo ngunyan huli kan karatan na saindong ginibo.

Jeremias 5:29

“Alagad ako, an Kagurangnan, an mapadusa sainda huli kan mga bagay na ini; babaloson ko an siring na nasyon.

Jeremias 5:9

Bakong dapat na padusahan ko sinda huli kan mga bagay na ini? Bakong dapat na baloson ko an nasyon na siring kaini?

Jeremias 9:9

Dai ko daw sinda papadusahan huli kan mga bagay na ini? Dai ko daw babaloson an siring na nasyon? Ako, an Kagurangnan, an nagtaram.”

Oseas 2:13

Papadusahan ko siya huli kan mga panahon na liningawan niya ako, kan magsulo siya nin insenso ki Baal asin kan isulot niya an saiyang mga alahas tanganing lamagon an mga namomoot saiya. An Kagurangnan an nagtaram.

Oseas 8:13

Nagdodolot sinda sako nin mga sakripisyo asin kinakakan ninda an laman kan mga sakripisyo. Alagad ako, an Kagurangnan, dai naoogma sainda, asin gigiromdomon ko ngunyan an saindang kasalan dangan papadusahan ko sinda huli kaiyan; ibabalik ko sinda sa Egipto!

Oseas 9:9

Mayo na sindang ibang ginigibo kundi karatan, siring kan yaon sinda sa Gibea. Gigiromdomon nin Dios an saindang kasalan asin papadusahan sinda huli kaiyan.

Levitico 18:26

Ginibo ninda an mga karigsokan na ini na nakapaati kan daga, alagad dai nanggad nindo paggibohon iyan. Kamo gabos, Israelita man o dayuhan na nakikihimanwa saindo, kaipuhan na magkuyog kan mga togon asin pagboot nin Kagurangnan,

Levitico 18:28

tanganing dai kamo isuka kan daga, arog kan pagsukahan kaini kan mga naenot saindong nag-erok duman.

Roma 8:22

Aram ta na sagkod ngunyan an bilog na linalang nag-aagrangay sa kulog arog kan babaeng kinukulog kun nangangaki.

Deuteronomio 18:12

Ikinakaongis nin Kagurangnan an mga tawong naggigibo kaiyan, kaya ngani papahaleon niya an mga nasyon na idto sa pagdangadang nindo.

Deuteronomio 21:23

dai iyan dapat pagpaagahan. Kaipuhan ilubong an bangkay sa aldaw man sanang iyan, huli ta an bangkay na nabibitay sa kahoy nagdadara sa daga kan maldisyon nin Dios. Ilubong nindo an bangkay tanganing dai madigtaan an daga na itatao saindo nin Kagurangnan na saindong Dios.

Deuteronomio 9:5

Itatao niya saindo an daga ninda bakong huli ta mga marahay kamo asin tama an ginigibo nindo. Papahaleon sinda nin Kagurangnan huli ta mga maraot sinda asin huli ta boot niyang otobon an saiyang panuga sa saindong mga ginikanan, ki Abraham, ki Isaac saka ki Jacob.