Levitico 18:21 - Marahay na Bareta Biblia

²¹ Dai nindo ipagtao an arin man sa saindong mga aki tanganing tutongon para sa dios na si Molec, huli ta dadarahan nindo nin kasosopgan an ngaran kan saindong Dios, an Kagurangnan.

Levitico 18:21 ပူးပေါင်းရင်းမြစ်များ

1 Mga Hade 11:33

Gigibohon ko ini huli ta isinikwal ako ni Solomon asin nagsamba siya sa mga dayuhan na dios: ki Astarte, an diosa nin Sidon; ki Kemos, an dios nin Moab; asin ki Molek, an dios nin Ammon. Tinalikodan ako ni Solomon; nagkasala siya asin dai niya inotob an sakong mga togon saka mga pagboot, bakong arog kan gibo kan saiyang ama na si David.

1 Mga Hade 11:7

Sa bukid sa sirangan nin Jerusalem, nagpatugdok siya nin sarong altar para ki Kemos, an makauuyam na dios nin Moab, asin para ki Molek, an nakakauuyam na dios nin Ammon.

2 Mga Hade 16:3

asin sinunod niya an paarog kan mga hade nin Israel. Maski an sadiri niyang aking lalaki tinutong niya bilang atang, sa pag-arog kan makauuyam na mga gawe kan mga nasyon na pinahale nin Kagurangnan mantang nagdadangadang an banwaan nin Israel.

2 Mga Hade 17:31

an mga taga Ivva, nin mga ladawan ni Nibhaz saka ni Tartak; asin an mga taga Sefarvaim, nagtutong kan saindang mga aki bilang atang sa saindang mga dios na si Adramelec saka si Anammelec.

2 Mga Hade 21:6

Isinakripisyo niya an saiyang aking lalaki bilang tinutong na atang. Naghula siya asin nagsalamangka. Nakihumapot siya sa mga parahula asin sa mga tawong nakikipag-olay sa mga espiritu. Nagkasala siya nin makuri sa Kagurangnan, na pinaanggot niya nin marahay.

2 Mga Hade 23:10

Binasang-basang ni Hadeng Josias an Tofet, an paganong lugar na pagsasambahan sa Kapantayan nin Hinnom, tanganing mayo na nin magsakripisyo kan saindang aking lalaki o aking babae bilang dolot ki Molek.

2 Mga Cronica 28:3

dangan nagtutong siya nin insenso sa Kapantayan nin Hinnom. Tinutong niya an sadiri niyang mga aking lalaki bilang mga atang, sa pag-arog kan makauuyam na mga gawe kan mga nasyon na pinahale nin Kagurangnan mantang nagdadangadang an banwaan nin Israel.

Jeremias 19:5

Nagtugdok sinda nin mga altar para ki Baal tanganing tutongon an saindang mga aki bilang sakripisyo. Dai ko ipinagboot na gibohon ninda ini; dai lamang iyan naglaog sa sakong isip.

Jeremias 32:35

Naggibo sinda nin mga altar ki Baal sa Kapantayan nin Hinnom, tanganing idolot sa dios-dios na si Molec an saindang mga aking lalaki saka babae. Dai ako nagboot ni nag-isip na ipagibo sainda an siring na bagay asin papagkasalaon an mga taga Juda.”

Jeremias 7:31

Sa Kapantayan nin Hinnom guminibo sinda nin altar na inapod Tofet, tanganing tutongon duman an saindang mga aking lalaki asin mga aking babae bilang sakripisyo. Dai ko ipinagboot sainda na gibohon ini—dai ngani ini naglaog sa sakong isip.

Ezekiel 20:26

Tinugotan ko sindang digtaan an saindang sadiri huli kan saindang mga atang, asin pinabayaan ko sindang isakripisyo an saindang mga panganay na lalaki, tanganing matakot sinda asin mamidbid ninda na ako an Kagurangnan.

Ezekiel 20:31

Sagkod ngunyan nagdodolot kamo nin parehong mga atang asin dinidigtaan nindo an saindong sadiri, huli kan pagdolot nindo kan saindong mga aki bilang tinutong na sakripisyo sa mga dios-dios na ini. Dangan mahapot pa kamong mga Israelita kun ano an sakong kabotan! Siring na ako an Kagurangnan Dios na buhay, dai ako matugot na maghapot kamo sako.

Ezekiel 23:37

Nakidorog sinda sa bako nindang agom asin nanggadan—nakidorog sa mga dios-dios asin ginagadan an mga aki ko sainda. Isinakripisyo ninda an saindang mga aking lalaki sa mga dios-dios.

Levitico 19:12

Dai kamo magsumpa sa ngaran ko kun dai man sana nindo iyan ootobon; nagdadara iyan nin kasosopgan sa sakong ngaran. Ako an Kagurangnan na saindong Dios.

Levitico 21:6

Kaipuhan na magin banal sinda asin dai ipasopog an sakong ngaran, huli ta sinda an nagdodolot kan mga dolot na pagkakan sa sako; kaya maninigo na sinda magin banal.

Levitico 22:2

“Sabihan mo si Aaron asin an saiyang mga aki na dai ninda pagdarahan nin kasosopgan an banal kong ngaran, kaya galangan ninda an mga banal na dolot na dinadara sako kan mga Israelita. Ako an Kagurangnan.

Levitico 22:32

Dai nindo pagdarahan nin kasosopgan an sakong banal na ngaran; kaipuhan mamidbidan kan bilog na Israel na ako banal. Ako an Kagurangnan, asin ako an nagpapabanal saindo.

Levitico 24:15

Pakatapos, sabihan mo an banwaan nin Israel na arog kaiyan an mangyayari sa kiisay man na maglanghad sa Dios.

Amos 2:7

Tinitimaktimakan ninda sa alpog an payo kan mga dukha asin itinutuklang ninda paluwas sa dalan an mga daing sukat. Dinodorogan nin mag-ama an babaeng oripon, kaya linalanghadan ninda an sakong ngaran.

Amos 5:26

Alagad ngunyan, huli ta sinamba nindo an ladawan ni Sakkut, an saindong hadeng dios, asin an ladawan ni Kaiwan, an saindong dios na bitoon, papasanon nindo an mga ladawan na iyan

Mikas 6:7

Mawiwili daw an Kagurangnan kun darahan ko siya nin rinibong karnero o lana nin oliba na daing ontok sa pagbulos? Idodolot ko daw an matua kong aki tanganing mabayadan an sakong mga kasalan?

Malakias 1:12

Alagad dai nindo ako inoomaw kun minasabi kamo na mayong halaga an sakong altar asin kun minadolot kamo diyan nin kakanon na bakong maninigo.

Mga Gibo 7:43

Pinagburuligan nindo an tolda kan dios-dios na si Moloc, asin an bitoon kan dios-dios nindong si Refan; mga ladawan na ginibo nindo tanganing sambahon. Kaya itatapok ko kamo sa ibong kan Babilonia.’

Roma 1:23

Tinalikodan ninda an Dios na mayong kagadanan; an sinamba ninda iyo an mga ginibong ladawan na kabaing sa mga tawo o mga gamgam o mga hayop na apat an bitis asin mga hayop na nagkakamang.

Roma 2:24

Nasasabi sa kasuratan, “Dahel saindong mga Judio, an Dios pinapakaraot kan mga pagano.”

Deuteronomio 12:31

Dai nindo pagsambahon an Kagurangnan na saindong Dios siring kan pagsamba ninda sa saindang mga dios-dios, huli ta sa saindang pagsamba, minagibo sinda nin mangirhat na mga bagay na ikinakaongis nin Kagurangnan. Maski an saindang mga aki tinututong ninda sa saindang mga altar.

Deuteronomio 18:10

Dai nindo pagtutongon sa altar an saindong mga aki bilang atang; dai nindo pagtugotan an siisay man na Israelita na maghula, maghimalad, magtood-tood o mangkulam,