Levitico 18:19 - Marahay na Bareta Biblia

¹⁹ Dai nindo pagdorogan an sarong babaeng nareregla, huli ta siya maati.

Levitico 18:19 ပူးပေါင်းရင်းမြစ်များ

2 Samuel 11:4

Nagpadara si David nin mga sugo asin ipinakua si Batsheba. (Nakatapos pa sana ini kan bulanan na seremonya nin paglinig sa sadiri.) Dinorogan ni David si Batsheba asin pakatapos, nagpuli na si Batsheba sa saiyang harong.

Ezekiel 18:6

Dai siya nagsasamba sa mga dios-dios kan mga Israelita asin dai nagkakakan kan mga sakripisyong idinolot sa mga ipinapangalad na lugar na pagsasambahan. Dai niya dinadagkang magkasala an agom nin iba asin dai siya nakikidorog sa babaeng nasa panahon nin pagregla.

Ezekiel 22:10

An nagkapira sainda nakikidorog sa agom kan saindang ama. An iba namimirit sa mga babae na makidorog sainda mantang nasa panahon nin pagregla.

Levitico 12:2

para sa mga Israelita. Pakatapos na mangaki nin sarong lalaki an sarong babae, magigin maati siya sa laog nin pitong aldaw, siring na siya maati sa mga aldaw nin saiyang pagregla.

Levitico 15:19

Kun an sarong babae abotan nin regla, magigin maati siya sa laog nin pitong aldaw, asin an siisay man na makaduta saiya magigin maati man sagkod magbanggi.

Levitico 15:24

Kun dinorogan nin sarong lalaki an babaeng nareregla, naolakitan siya kan pagkanimaati kan babae, asin sa laog nin pitong aldaw, siya magigin maati; magigin maati an arin man na higdaan na gamiton kan lalaki.

Levitico 18:18

Dai nindo pag-agomon an tugang na babae kan saindong agom mantang nabubuhay pa ini.

Levitico 20:18

Kun an sarong lalaki nakidorog sa sarong babaeng nareregla, papahaleon sinda sa komunidad huli ta linapas ninda an mga pagsusundon manongod sa pagigin maati.