Levitico 17:6 - Marahay na Bareta Biblia

⁶ An dugo iuula kan padi sa mga gilid kan altar sa may pintoan kan Tabernakulo asin tututongon niya an taba tanganing magkaigwa kan parong na nawiwilihan nin Kagurangnan.

Levitico 17:6 ပူးပေါင်းရင်းမြစ်များ

Exodo 29:13

Kuahon mo an gabos na taba na nakakatahob kan bituka, an pinakamarahay na parte kan katoy, an duwang bato kaiba an taba kaiyan asin tutongon mo gabos sa altar bilang atang sako.

Exodo 29:18

tutongon mo an bilog na karnero sa ibabaw kan altar bilang sarong tinutong na atang. An parong kan dolot na ini nawiwilihan ko.

Ezekiel 44:15

Nagtaram an Kagurangnan Dios, “Alagad an mga padi na kaayon sa tribu ni Levi asin gikan sa pamilya ni Zadok padagos na naglingkod sako kan an gabos na Israelita nagtalikod sako. Kaya ngunyan sinda an maglilingkod sako, asin madolok sa pagdolot kan taba saka dugo kan mga hayop na isinakripisyo.

Levitico 17:5

An katuyohan kaini iyo, na kaipuhan darahon kan mga Israelita sa Kagurangnan an mga hayop na dati nindang binubuno sa kaawagan. An mga iyan dadarahon ninda sa padi duman sa may pintoan kan Tabernakulo asin duman ninda bubunoon bilang dolot para sa katoninongan.

Levitico 3:11

Tututongon iyan kan padi duman sa altar bilang dolot na pagkakan sa Kagurangnan.

Levitico 3:13

iduduta kan kagdolot an saiyang kamot sa ibabaw kan payo kan kanding dangan bubunoon niya iyan sa atubang kan Tabernakulo. An dugo kan hayop iuula kan mga padi sa apat na gilid kan altar,

Levitico 3:16

An mga iyan tututongon kan padi duman sa altar bilang sarong dolot na pagkakan na an parong nawiwilihan nin Kagurangnan. An gabos na taba sadiri nin Kagurangnan.

Levitico 3:2

Iduduta kan kagdolot an saiyang kamot sa ibabaw kan payo kan hayop dangan bubunoon niya iyan sa may pintoan kan Tabernakulo. Pakatapos, an dugo kan hayop iuula kan mga pading aki ni Aaron sa apat na gilid kan altar.

Levitico 3:5

Tututongon an mga iyan kan mga padi duman sa altar kaiba kan mga tinutong na atang. An parong kaiyan nawiwilihan nin Kagurangnan.

Levitico 3:8

iduduta kan kagdolot an saiyang kamot sa ibabaw kan payo kan karnero dangan bubunoon niya iyan sa atubangan kan Tabernakulo. Pakatapos, iuula kan mga padi an dugo kan karnero sa apat na gilid kan altar.

Levitico 4:31

Dangan hahaleon niya an gabos na taba, siring kan paghale niya sa taba kan mga hayop na binubuno bilang atang para sa katoninongan, asin tututongon niya iyan sa altar. An parong kaiyan nawiwilihan nin Kagurangnan. Sa paaging ini, idodolot kan padi an atang para sa kasalan kan nasabing tawo asin papatawadon siya.

Mga Bilang 18:17

Alagad an matua nin baka, karnero, saka kanding dai na tutuboson; sadiri ko an mga iyan asin dapat na idolot. Iwirik mo sa altar an saindang dugo asin tutongon mo an saindang taba bilang dolot na pagkakan, sarong parong na nawiwilihan ko.