Levitico 17:5 - Marahay na Bareta Biblia

⁵ An katuyohan kaini iyo, na kaipuhan darahon kan mga Israelita sa Kagurangnan an mga hayop na dati nindang binubuno sa kaawagan. An mga iyan dadarahon ninda sa padi duman sa may pintoan kan Tabernakulo asin duman ninda bubunoon bilang dolot para sa katoninongan.

Levitico 17:5 ပူးပေါင်းရင်းမြစ်များ

Genesis 21:33

Nagtanom si Abraham nin kahoy na sampalok sa Beer-sheba asin nag-omaw sa Kagurangnan, an Daing Kataposan na Dios.

Genesis 22:13

Dangan nangalagkalag si Abraham asin nahiling niya an sarong lalaking karnero na an mga sungay napasabit sa sarong marambong na tinanom. Kinua niya idto asin iyo an inatang embes na an saiyang aki.

Genesis 22:2

Nagtaram an Dios, “Ipag-iba mo an saimong aki, an bugtong mong aking si Isaac na namomotan mo nin marahay, asin magduman ka sa daga nin Moria. Idolot mo siya sako bilang tinutong na atang duman sa bulod na itutukdo ko saimo.”

Genesis 31:54

Nagbuno siya nin hayop na saiyang idinolot duman sa bukid dangan inapod niya an saiyang mga tawohan tanganing magkakan. Duman na sinda naagahan sa bukid.

1 Mga Hade 14:23

Nagtugdok sinda nin mga altar para sa saindang mga dios-dios, asin nagpatindog nin mga harigi saka mga simbolo ni Asera sa ibabaw kan mga bulod saka sa limpoy nin mga kahoy.

1 Mga Hade 3:2

Mayo pa nin itinugdok na templo para sa Kagurangnan, kaya an mga tawo nagdodolot nin mga sakripisyo sa manlaen-laen na altar.

1 Mga Hade 3:3

Namotan ni Solomon an Kagurangnan asin nagkuyog siya sa mga togon kan saiyang ama na si David, alagad nagdolot man siya nin mga sakripisyo asin nagtutong nin insenso sa manlaen-laen na altar.

2 Mga Hade 16:4

Nagdolot siya nin atang saka nagtutong nin insenso sa paganong mga lugar na pagsasambahan, sa kabubuldan, asin sa lindong kan lambang marambong na kahoy.

2 Mga Hade 17:10

Nagbugtak sinda nin mga gapong harigi saka mga ladawan kan diosang si Asera sa kabubuldan asin sa lindong kan lambang marambong na kahoy.

2 Mga Cronica 28:4

Nagdolot siya nin atang saka nagtutong nin insenso sa paganong mga lugar na pagsasambahan, sa kabubuldan, asin sa lindong kan lambang marambong na kahoy.

Exodo 24:5

Dangan nagsugo siya nin nagkapirang hoben na lalaki nin Israel na magdolot nin mga tinutong na atang asin magsakripisyo nin mga baka bilang dolot para sa katoninongan.

Ezekiel 20:28

Dinara ko sinda sa daga na ipinanuga ko sainda. Kan mahiling ninda an mga halangkaw na bulod asin an mga berdeng kahoy, dinolotan ninda nin sakripisyo an mga ini. Pinaanggot ninda ako huli kan saindang mga tinutong na sakripisyo asin mga dolot na arak.

Ezekiel 22:9

An nagkapira sa sainda nagpuputik manongod sa iba tanganing ipagadan an mga ini. May nagkapira saindang nagkakakan kan sakripisyong idinolot sa mga dios-dios. An iba naggigibo nin karigsokan.

Ezekiel 43:27

Pakatapos kan pitong aldaw, popoonan kan mga padi an pagdolot kan mga tinutong na atang asin kan mga atang para sa katoninongan. Dangan mawiwilihan ko kamo gabos. Ako, an Kagurangnan Dios, an nagtaram.”

Ezekiel 44:15

Nagtaram an Kagurangnan Dios, “Alagad an mga padi na kaayon sa tribu ni Levi asin gikan sa pamilya ni Zadok padagos na naglingkod sako kan an gabos na Israelita nagtalikod sako. Kaya ngunyan sinda an maglilingkod sako, asin madolok sa pagdolot kan taba saka dugo kan mga hayop na isinakripisyo.

Levitico 17:6

An dugo iuula kan padi sa mga gilid kan altar sa may pintoan kan Tabernakulo asin tututongon niya an taba tanganing magkaigwa kan parong na nawiwilihan nin Kagurangnan.

Deuteronomio 12:2

Sa daga na saindong sasakopon, gabaon nindo an gabos na lugar na pinagsasambahan kan mga tawo sa saindang mga dios-dios: sa kabukidan, sa kabubuldan asin sa lindong nin mga kahoy.