Levitico 17:13 - Marahay na Bareta Biblia

¹³ Kun an sarong Israelita o sarong dayuhan na nakikihimanwa sainda mang-ayam nin hayop o gamgam na pwedeng kakanon, papabuloson niya an dugo kaiyan sa daga dangan tatahoban.

Levitico 17:13 ပူးပေါင်းရင်းမြစ်များ

An Libro ni Job 16:18

“O daga, hare pagtagoa an mga karatan na ginibo sako! Hare pag-ontoka an sakong inagrangay para sa katanosan!

Mga Talinhaga 6:26

Matatandanan nin lalaki an sarong maraot na babae sa halaga nin sarong tinapay, alagad an pakidorog sa bakong agom katimbang kan saiyang buhay.

Ezekiel 24:7

Igwa nin panggagadan sa syudad, alagad pinabulos an dugo bako sa daga tanganing matambonan kan alpog, kundi sa nahihiling na gapo.

Levitico 17:12

Iyo ini an dahelan kun tadaw ta nagtaram an Kagurangnan sa mga Israelita na dai nin siisay man sainda, ni sa mga dayuhan na nakikihimanwa sainda, na magkakan nin karne na igwa pa nin dugo.

Levitico 7:26

Saen man mag-erok an mga Israelita, dai nanggad sinda magkakan kan dugo kan gamgam o hayop.

Deuteronomio 12:16

Alagad dai nanggad kamo magkakan kan saindang dugo kundi iula nindo iyan sa daga siring sa tubig.

Deuteronomio 12:24

Dai nindo paggibohon na pagkakan an dugo; iula nindo iyan sa daga arog sa tubig.

Deuteronomio 15:23

Alagad dai nindo pagkakanon an dugo kaiyan, kundi iula nindo iyan sa daga siring sa tubig.