Levitico 16:4 - Marahay na Bareta Biblia

⁴ Dangan itinao nin Kagurangnan an minasunod na pagsusundon. Bago maglaog si Aaron sa Kabanal-banaleng Lugar, kaipuhan magkarigos siya dangan magsulot kan mga gubing na sa padi: an linong abito asin sarwal, an habay saka an mitra.

Levitico 16:4 ပူးပေါင်းရင်းမြစ်များ

Exodo 28:2

Ipagibo mo si Aaron nin banal na mga gubing tanganing magkaigwa siya nin dignidad asin gayon.

Exodo 29:4

“Ipag-iba mo si Aaron saka an saiyang mga aking lalaki sa may pintoan kan Tabernakulo dangan karigoson mo sinda duman.

Exodo 30:20

Kaipuhan maghanaw ngona sinda bago maglaog sa Tabernakulo o bago magdolok sa altar tanganing magdolot nin atang; kun dai, magagadan sinda.

Exodo 40:12

“Dangan darahon mo si Aaron sagkod an saiyang mga aki sa pintoan kan Tabernakulo, asin karigoson mo sinda.

Isaias 53:2

Kabotan nin Kagurangnan na an saiyang sorogoon magtalubo siring sa sarong tinanom na nagkakagamot sa mamarang daga. Mayo siya nin porma o dignidad tanganing madagka kitang hilingon siya; mayo nin kagayonan tanganing mawoton ta siya.

Ezekiel 44:19

Bago sinda magduman sa patyong nasa luwas, sa pinagtitiripon kan mga tawo, kaipuhan hubaon ninda an mga gubing na sulot ninda kan maglingkod sinda sa Templo, dangan iwalat ninda an mga iyan sa banal na mga kwarto. Kaipuhan ibang gubing an isulot ninda tanganing an mga tawo dai maano kan banal na mga gubing.

Ezekiel 9:2

Hale sa trangkahan na nasa luwas kan Templo sa amihan, nag-abot tolos an anom na lalaki, na an lambang saro may armas. Kaiba ninda an sarong lalaking nakagubing nin lino, na may darang sarong pansurat. Naglaog sinda dangan nagtindog sa may bronseng altar.

Levitico 16:23

Dangan malaog si Aaron sa Tabernakulo; huhubaon niya an mga gubing na sa padi na isinulot niya bago siya naglaog sa Kabanal-banaleng Lugar asin iwawalat niya duman an mga gubing.

Levitico 16:24

Dangan makarigos siya sa sarong banal na lugar saka isusulot an sadiri niyang gubing bago siya magluwas. Pakatapos, idodolot na niya an tinutong na atang tanganing mahale an saiyang mga kasalan asin kan mga Israelita.

Levitico 16:32

An Halangkaw na Padi na inordenan asin kinonsagra bilang pading kasalihid kan saiyang ama, iyo an magibo kan seremonya nin paglinig. Isusulot niya an mga gubing na sa padi

Levitico 6:10

Masulot an padi nin tunika asin sarwal na lino, dangan hahaleon niya an abo kan tinutong na atang saka ibubugtak sa gilid kan altar.

Levitico 6:3

magputik kan manongod sa ano man na nawawara asin magsumpa na dai niya iyan nakua.

Lukas 1:35

Nagsimbag an anghel, “Mahilig saimo an Espiritu Santo asin lilindongan ka kan kapangyarihan kan Kahorohalangkaweng Dios. Kaya banal an ipapangaki mo na aapodon Aki nin Dios.

Filipos 2:7

kundi nagpakadai siya sa sadiri, inako an kamugtakan nin sarong oripon, ipinangaki siring sa tawo.

Hebreyo 10:22

Kaya magdolok kita sa Dios nin tudok sa puso asin may masarig na pagtubod. Dumolok kita saiya na may malinig na konsyensya huli ta lininig na an satong mga puso saka nahugasan na nin malinig na tubig an satong mga hawak.

Hebreyo 2:14

Siring na an nasambit na kaakian mga tawong may laman saka dugo, nagin tawo man si Jesus arog ninda, tanganing sa paagi kan saiyang kagadanan, madaog niya an Diablo na may kapangyarihan nin kagadanan.

Hebreyo 7:26

Kaya si Jesus iyo an Halangkaw na Padi na makakasimbag kan satong mga pangangaipo. Banal siya, mayo nin digta o karatan; dai kabilang sa mga parakasala, ilinangkaw siya sa itaas pa kan kalangitan.