Levitico 16:29 - Marahay na Bareta Biblia

²⁹ An mga minasunod iyo an ootobon nindo sa gabos na panahon. Sa ikasampolong aldaw kan ikapitong bulan, an mga Israelita saka an mga dayuhan na nag-eerok sa kaibahan ninda kaipuhan na mag-ayuno asin dai magtrabaho.

Levitico 16:29 ပူးပေါင်းရင်းမြစ်များ

1 Mga Hade 8:2

Nagtiripon sinda sa atubangan ni Hadeng Solomon kan Pyesta nin mga Harong-harong, kan bulan nin Etanim na iyo an ikapitong bulan.

Esdras 3:1

Kan ikapitong bulan, an mga Israelita napamugtak na sa saindang mga banwa. Dangan nagtiripon sinda gabos sa Jerusalem.

Esdras 8:21

Duman sa tampi kan Salog nin Ahava ipinagboot ko an pag-ayuno asin an pagpakumbaba sa atubang nin samuyang Dios, tanganing hagadon saiya na pangenotan kami sa samong pagbaklay asin iligtas kami, an samong mga aki asin an gabos nyamong pagsadiri.

Salmo 35:13

Alagad kan sinda naghelang, ako nagmondo; nagsakripisyo ako huli sa pag-ayuno; namibi na duko an sakuyang payo,

Salmo 69:10

Kan ako nagpakumbaba huli sa pag-ayuno, tinuya-tuya ako kan mga tawo.

Exodo 12:16

Sa enot asin sa ikapitong aldaw magtiripon kamo sa pagsamba. Dai kamo magtrabaho sa mga aldaw na iyan alagad pwede nindong andamon an saindong mga pagkakan.

Exodo 20:10

alagad an ikapitong aldaw, sarong aldaw nin pahingalo na talaan para sako. Sa aldaw na iyan, mayo nin siisay man saindo na magtrabaho—kamo, an saindong mga aki, an saindong mga oripon, an saindong mga hayop o an mga dayuhan na nag-eerok sa saindong banwa.

Exodo 30:10

Sarong beses sa taon gigibohon ni Aaron an seremonya nin paglinig kan altar; an mga sungay kaini lalahidan niya kan dugo kan inatang sa pagbayad nin kasalan. Gibohon nindo ini sa gabos na panahon. An altar na ini kaipuhan na magin banal, konsagrado sa sako. Ako an Kagurangnan.”

Exodo 31:14

Otobon nanggad nindo an aldaw nin pahingalo, huli ta iyan banal. Gagadanon an siisay man na maglapas kaiyan asin magtrabaho sa aldaw na iyan.

Exodo 31:15

Igwa kamong anom na aldaw sa pagtrabaho, alagad an ikapitong aldaw sarong aldaw nin solemning pahingalo, banal para sako. Gagadanon an siisay man na magtrabaho sa aldaw na iyan.

Isaias 58:13

An Kagurangnan nagsasabi, “Kun galangan nindo an Sabbath bilang sagradong aldaw, asin dai kamo maggibo kan saindong nawiwilihan sa aldaw na iyan; kun pahalagahan nindo an sakong banal na aldaw asin galangan nindo iyan sa paagi kan dai pagbyahe, pagtrabaho, o pagtaram nin mga mayong kahulogan,

Isaias 58:3

Naghahapot an mga tawo, “Tadaw ta mag-aayuno kami? Dai man iyan nahihiling kan Kagurangnan. Tadaw ta dai kami magkakan kun dai man niya iyan papahalagahan? An Kagurangnan nagsasabi sainda, “Sa katotoohan, mantang nag-aayuno kamo, padagos nindong hinahanap an kaogmahan asin inaapi nindo an saindong mga trabahador.

Isaias 58:5

Kun nag-aayuno kamo, pinapasakitan nindo an saindong mga hawak; idinuduko nindo an saindong payo siring sa sarong dahon nin doot, asin binibiklad nindo an sako dangan minahigda kamo sa abo. Aapodon daw nindong pag-aayuno an siring? Sa paghona nindo, mawiwili ako sa siring na gibo?

Daniel 10:12

Dangan nagsabi an anghel, “Daniel, dai ka matakot. Dinangog nin Dios an saimong mga pamibi poon pa kan enot na aldaw na nagpakumbaba ka tanganing makakua nin pakasabot. Napadigdi ako bilang kasimbagan sa saimong pamibi.

Daniel 10:3

Dai ako nagkakan nin anoman na masustansyang kakanon o anoman na karne, dai ako nag-inom nin arak, o nagsukray kan sakong buhok sagkod na nakalihis an tolong semana.

Levitico 23:21

Sa aldaw na iyan dai kamo magtatrabaho nin ano man kundi magkakaigwa kamo nin banal na pagtiripon. An pagsusundon na ini gigibohon kan saindong kapagarakian sa mga maabot na panahon, saen man sinda mag-erok.

Levitico 23:3

Magtrabaho kamo sa laog nin anom na aldaw, alagad an ikapitong aldaw iyo an Sabbath nin solemning pahingalo, sarong banal na pagtiripon; dai kamo magtrabaho. Saen man kamo mag-erok, giromdomon nindong an aldaw na iyan sarong Sabbath para sa Kagurangnan.

Levitico 23:36

Aroaldaw sa laog nin pitong aldaw, madolot kamo nin sarong dolot na pagkakan sa Kagurangnan; sa ikawalong aldaw magkaigwa giraray kamo nin banal na pagtiripon asin magdolot kamo nin dolot na pagkakan. Sarong aldaw iyan nin solemning pagtiripon asin dai kamo magtrabaho. (

Levitico 25:9

asin sa ika-sampolong aldaw kan ikapitong bulan, an Aldaw nin Pagbayad para sa mga Kasalan, magsugo kamo nin sarong lalaki sa bilog na daga na mapatanog kan trompeta tanganing ipahayag an katalingkasan sa gabos na nag-eerok sa daga.

Levitico 3:17

Sagkod pa man dai nin siisay man sa mga Israelita an pwedeng magkakan kan taba saka dugo; iyan sarong pagboot na kukuyogon kan gabos na Israelita saen man sinda mag-erok.

Mga Bilang 29:7

Sa ikasampolong aldaw kan ikapitong bulan magtiripon kamo sa pagsamba; mag-ayuno kamo saka dai magtrabaho.

Mga Gibo 27:9

Nahaloy kami duman sagkod na magin masakit nang ipadagos nyamo an pagbyahe dahel ta nakalihis na an aldaw nin pag-ayuno. Kaya hinulitan sinda ni Pablo kaini,

1 Corinto 11:31

Kun siyasaton ta nanggad an sadiri nyatong buhay, dai kita huhukoman nin Dios.

Hebreyo 4:10

Huli ta an siisay man na makalaog sa pahingaloan na ipinanuga nin Dios, magpapahingalo man sa trabaho niya arog kan pagpahingalo nin Dios pakatapos kan saiyang paglalang.

1 Samuel 7:6

Kaya nagtiripon sinda sa Mizpa. Nagharok sinda nin tubig dangan inula ninda bilang sarong dolot sa Kagurangnan; nag-ayuno sinda kan aldaw na idto. Olay ninda, “Nagkasala kami sa Kagurangnan.” (Hinukoman ni Samuel an mga Israelita duman sa Mizpa.)