Levitico 16:21 - Marahay na Bareta Biblia

²¹ Iduduta niya an saiyang mga kamot sa ibabaw kan payo kan kanding dangan ikukumpisal niya an gabos na karatan kan banwaan nin Israel, an saindang mga kasalan asin kasombikalan. Sa paaging ini, ibinabalyo niya an gabos na karatan sa payo kan kanding. Pakatapos kaiyan, aalawon an kanding pasiring sa desyerto kan lalaking napili na mag-alaw kaiyan.

Levitico 16:21 ပူးပေါင်းရင်းမြစ်များ

Esdras 10:1

Mantang namimibi saka nagkukumpisal si Esdras na naghihibi asin nakaduko sa atubang kan Templo, sarong dakulang grupo nin mga Israelita—mga lalaki, babae, asin mga aki—an nagtiripon sa palibot niya, naghihibi nin makuri.

Salmo 32:5

Dangan nagkumpisal ako kan sakong kasalan saimo; dai ko tinago an mga sala kong gibo. Nagsabi ako, “Ikukumpisal ko an sakong mga kasalan sa Kagurangnan,” asin pinatawad mo an gabos kong kalapasan.

Salmo 51:3

Huli ta nasasabotan ko an sakuyang mga kasombikalan; danay na nasa atubang ko an sakong kasalan.

Exodo 29:10

“Darahon mo sa atubangan kan Tabernakulo an torilyong baka asin sabihan mo si Aaron saka an saiyang mga aki na iduta an saindang mga kamot sa ibabaw kan payo kan torilyong baka.

Mga Talinhaga 28:13

An nagtatago kan saiyang mga kasalan dai nag-uuswag, alagad an nagkukumpisal saka nagbabaya kaiyan maheherakan nin Dios.

Isaias 53:6

Gabos kita siring sa karnero na nagkawarara, an lambang saro sato naglakaw sa sadiring dalan. Alagad sa saiya pinahugpa nin Kagurangnan an padusa, an padusa na dapat kita kuta an mag-ako.

Levitico 1:4

Iduduta niya an saiyang kamot sa ibabaw kan payo kan hayop, asin aakoon iyan bilang pantubos kan saiyang mga kasalan.

Levitico 16:20

Pakatapos ni Aaron kan seremonya nin paglinig kan Kabanal-banaleng Lugar, kan Tabernakulo saka kan altar, kukuahon niya an buhay na kanding na para ki Azazel. dangan idodolot sa Kagurangnan.

Levitico 16:22

Dadarahon kan kanding an gabos nindang kasalan pasiring sa daga na mayo nin nag-eerok.

Levitico 26:40

“Alagad ikukumpisal kan saindong mga kapagarakian an saindang mga kasalan saka an kasalan kan saindang mga ginikanan na nagsuhay asin nagtumang sako,

Levitico 5:5

Kun magkasala an sarong tawo, kaipuhan ikumpisal niya an saiyang kasalan

Roma 10:10

An siisay man na nagtutubod nin tudok sa puso, nagigin matanos sa Dios; an siisay man na nagpapahayag kan pagtubod niya, nakakaligtas.

2 Corinto 5:21

Mayo lamang nin kasalan si Cristo, alagad huli sato idinamay siya nin Dios sa satong mga pagkakasala tanganing sa pakisumaro saiya, magkaigwa kita kan katanosan nin Dios.