Levitico 16:20 - Marahay na Bareta Biblia

²⁰ Pakatapos ni Aaron kan seremonya nin paglinig kan Kabanal-banaleng Lugar, kan Tabernakulo saka kan altar, kukuahon niya an buhay na kanding na para ki Azazel. dangan idodolot sa Kagurangnan.

Levitico 16:20 ပူးပေါင်းရင်းမြစ်များ

Ezekiel 45:20

Sa ikapitong aldaw kan bulan, ini man an gigibohon nindo para sa kiisay man na nagkasala na dai man tinutuyo o huli sa dai pakaaram. Sa paaging ini lilinigan nindo an Templo.

Levitico 16:16

Sa paaging ini, gigibohon niya an seremonya nin paglinig kan Kabanal-banaleng Lugar, hale sa pagkanimaati kan banwaan nin Israel saka sa saindang mga kasalan. Kaipuhan gibohon man niya an siring na paglinig sa Tabernakulo, huli ta yaon ini sa tahaw kan saindang kampo na maati.

Levitico 16:19

Sa paagi kan saiyang muro, pitong beses niyang wiwirikan nin dugo an altar. Sa paaging ini, lilinigan niya an altar sa mga kasalan kan mga Israelita asin papakabanalon niya an altar.

Levitico 16:21

Iduduta niya an saiyang mga kamot sa ibabaw kan payo kan kanding dangan ikukumpisal niya an gabos na karatan kan banwaan nin Israel, an saindang mga kasalan asin kasombikalan. Sa paaging ini, ibinabalyo niya an gabos na karatan sa payo kan kanding. Pakatapos kaiyan, aalawon an kanding pasiring sa desyerto kan lalaking napili na mag-alaw kaiyan.

Levitico 6:30

Alagad kun an dugo kaiyan dinara sa laog kan Tabernakulo asin ginamit sa seremonya kan paghale nin kasalan, kaipuhan dai iyan pagkakanon kundi tutongon.

Levitico 8:15

Binuno ni Moises an baka, kinua an dugo asin sa paagi kan saiyang muro, linahidan an mga sungay kan altar tanganing konsagrahon ini. Dangan inula niya an natadang dugo sa pamitisan kan altar tanganing konsagrahon asin linigan ini.

Roma 4:25

Ginadan si Jesus huli kan satong mga kasalan, asin binuhay siya liwat tanganing magin matanos kita sa Dios.

Roma 8:34

Siisay palan an makondenar sainda? Si Cristo Jesus daw na nagadan, nabuhay liwat asin yaon na ngunyan sa too nin Dios, na nakikimaherak para sato?

2 Corinto 5:19

Ginibo nin Dios, sa paagi ni Cristo, na makipag-olian saiya an gabos na tawo; liningawan niya an mga kasalan ninda. Kami an pinaniwalaan niya kan mensaheng ini nin pakipag-olian.

Colosas 1:20

Binoot man niya sa paagi kan saiyang Aki na an gabos makiolian saiya. Sa paagi kan pagkagadan sa krus kan Aki, nakipag-olian sa Dios an gabos na linalang na nasa kinaban asin nasa langit.

Hebreyo 7:25

Ngunyan asin sa gabos na oras, ikakaligtas niya an mga minadolok sa Dios sa paagi niya, huli ta nabubuhay siya sagkod lamang tanganing makimaherak sa Dios para sainda.

Kapahayagan 1:18

an Nabubuhay! Nagadan ako, alagad ngunyan, buhay ako sagkod pa man. May kapangyarihan ako sa kagadanan asin sa Hades.