Levitico 16:15 - Marahay na Bareta Biblia

¹⁵ Pakatapos, bubunoon niya an kanding na dolot para sa kasalan kan mga tawo; dadarahon niya an dugo kaini duman sa Kabanal-banaleng Lugar asin siring kan ginibo niya sa dugo kan toro, wiwirikan man niya kan dugo an takop asin an atubangan kan Kaban nin Tipan.

Levitico 16:15 ပူးပေါင်းရင်းမြစ်များ

Levitico 16:2

tinaraman nin Kagurangnan si Moises, “Sabihan mo an saimong tugang na si Aaron na magduman sa likod kan panlipod na kurtina, sa Kabanal-banaleng Lugar, sa talaan na panahon sana, huli ta duman ako nagpapahiling sa panganoron, sa ibabaw kan takop kan Kaban nin Tipan. Kun dai siya magsunod, magagadan siya.

Levitico 4:21

Dangan dadarahon niya an hayop sa luwas kan kampo asin tututongon niya duman, siring kan ginibo niya sa hayop na idinolot para sa kasalan. Iyo iyan an dolot na mahale kan kasalan kan mga tawo.

Levitico 4:5

Pakatapos, an Halangkaw na Padi makua nin dugo kan hayop asin dadarahon niya iyan sa laog kan Tabernakulo.

Mga Bilang 17:11

Ginibo ini ni Moises sosog sa pagboot nin Kagurangnan.

Mga Bilang 28:15

Laen pa kan aroaldaw na tinutong na atang saka dolot na arak, magdolot man kamo nin sarong lalaking kanding bilang dolot para sa kasalan.

Hebreyo 2:17

Nangangahulogan na dapat siyang magin arog kan saiyang mga tugang sa gabos na bagay, tanganing siya magin maheherakon saka maimbod na Halangkaw na Padi sa saiyang paglingkod sa Dios, tanganing mapatawad an mga kasalan kan mga tawo.

Hebreyo 5:3

Huli ta siya maluya man, dapat siyang magdolot nin mga sakripisyo, bako sanang para sa mga kasalan kan mga tawo kundi para man sa sadiri niyang mga kasalan.

Hebreyo 6:19

Sa paglaom na ini, igwa kita nin masarig asin makosog na angkla kan satong buhay; paglaom na minalagbas sa kurtina kan templo sagkod sa kabanal-banaleng lugar.

Hebreyo 7:27

Bako siyang arog kan ibang mga halangkaw na padi na kaipuhan pang magdolot nin atang aroaldaw: enot para sa sadiri nindang kasalan, dangan para sa kasalan nin mga tawo; mantang si Jesus sarong beses sanang nag-atang para sa gabos—iyan kan idolot niya an sadiri niyang buhay.

Hebreyo 9:12

Kan si Cristo maglaog nin saro sanang beses duman sa Kabanal-banaleng Lugar sa tolda, bakong dugo nin kanding o baka an idinolot niyang atang, kundi an sadiri niyang dugo nganing makamtan an kaligtasan na daing kataposan para sato.

Hebreyo 9:13

Kun an pagwirik kan dugo nin kanding, toro saka abo nin tinutong na ogbon na baka nakakalinig sa mga tawong maati,

Hebreyo 9:3

Nasa likod kan ikaduwang kurtina an ikaduwang kabtang na inapod Kabanal-banaleng Lugar.

Hebreyo 9:7

Alagad duman sa ikaduwang kabtang, an Halangkaw na Padi sana an nakakalaog, sarong beses sa taon. Minadara siya sa laog nin dugo kan hayop na idinodolot niya sa Dios para sa sadiri niyang mga kasalan asin para sa kasalan kan mga tawo, kasalan na nagibo ninda alagad dai aram na kasalan palan.