Levitico 15:31 - Marahay na Bareta Biblia

³¹ Tinaraman nin Kagurangnan si Moises na patanidan an mga Israelita manongod kan saindang kaatian ta tibaad magkagaradan sinda kun saindang maatian an Tabernakulo nin Kagurangnan na nasa tahaw kan kampo.

Levitico 15:31 ပူးပေါင်းရင်းမြစ်များ

Salmo 66:18

Kun rinimpos ko sana sa puso an sakong mga kasalan, dai kutana ako dinangog nin Kagurangnan.

Ezekiel 23:38

Bako sana iyan, dinigtaan ninda an sakuyang Templo asin linapas an Sabbath sa pareho man sanang aldaw.

Ezekiel 36:17

“Aki nin tawo, kan an mga Israelita mag-erok sa sadiri nindang daga, dinigtaan ninda ini sa paagi kan saindang pamumuhay saka mga gibo. An saindang gawe ibinilang kong arog sa pagkani-maati nin sarong babae na nasa panahon nin pagregla.

Ezekiel 44:23

“Itutukdo kan mga padi sa mga tawo an kalaenan kan anoman na banal sa bako, an kalaenan kan bagay na malinig sa maati.

Ezekiel 5:11

“Kaya, mantang ako an Dios na buhay—iyo ini an tataramon nin Kagurangnan Dios—huli ta dinigtaan mo an sakong Templo sa paagi kan gabos na maraot saka makauuyam mong mga gibo, pupuhoon taka. Dai ako mapahiling nin anoman na pagkaherak.

Daniel 9:27

An pamayong iyan magibo nin sarong pusog na tipan sa dakul na banwaan sa laog nin pitong taon, asin kun makalihis na an kabanga kan panahon na iyan, ipapaontok niya an mga pag-atang saka pagdolot. Dangan ibubugtak sa pinakahalangkaw na lugar kan Templo an Makangirhat na Katakotan asin magdadanay iyan duman sagkod na magadan an nagbugtak kaiyan—sarong kagadanan na inandam nin Dios para saiya.”

Levitico 11:47

Magin maingat kamo sa pagmidbid kun arin an malinig asin an maati, kun arin sa mga nabubuhay na hayop an pwedeng kakanon asin an mga dai pwedeng kakanon.

Levitico 13:59

Iyo ini an pagsusundon manongod sa alamag na yaon sa gubing na lana o lino, o sa telang lana o lino o sa ano man na gibo sa anit.

Levitico 15:32

Iyo ini an mga pagsusundon manongod sa lalaking may helang na turo asin sa lalaking linuluwasan kan sadiring banhi;

Levitico 19:30

Otobon nindo an Sabbath, asin galangan nindo an lugar na pinagsasambahan sako. Ako an Kagurangnan.

Levitico 20:3

Magigin kaiwal ko siya asin dai na ibibilang na kaayon sa sakuyang banwaan, huli ta dinidigtaan niya an sakong Tabernakulo asin sinosopog niya an sakong ngaran sa pagtao kan saro niyang aki ki Molec.

Levitico 21:23

alagad nin huli ta may kaninan siya, dai siya pwedeng magrani sa panlipod na kurtina o sa altar. Dai niya dapat pagdigtaan an mga banal na bagay na ini, huli ta ako an Kagurangnan, asin ako an nagpapabanal kan mga iyan.”

Mga Bilang 19:13

An magduta sa tawong gadan asin dai maglinig kan saiyang sadiri, magdadanay na maati huli ta dai inula saiya an tubig na panlinig. Dinigtaan niya an Tabernakulo nin Kagurangnan, asin dai na siya ibibilang na kaayon sa banwaan nin Dios.

Mga Bilang 19:20

Alagad an tawong nagin maati asin dai maglinig kan saiyang sadiri magdadanay na maati huli ta dai inula saiya an tubig na panlinig. Dinigtaan niya an Tabernakulo nin Kagurangnan asin dai na siya ibibilang na kaayon sa banwaan nin Dios.

Mga Bilang 5:3

Iluwas nindo sinda, babae man o lalaki, tanganing dai ninda madigtaan an kampo na pinag-eerokan ko kaiba an sakong banwaan.”

1 Corinto 3:17

An siisay man na maglaglag kan templo nin Dios, lalaglagon man nin Dios; huli ta an templo nin Dios banal, asin an templong iyan kamo mismo.

Deuteronomio 24:8

“Kun magkahelang kamo nin nakakatakot na helang sa kublit, kaipuhan otobon nindo an hatol kan mga pading Levita; sunodon nindo an mga katukdoan na itinao ko sainda.

Hebreyo 10:29

Kun siring, ano an mangyayari sa tawong nag-olog-olog kan Aki nin Dios, saka nagbasang-basang kan dugo kan tipan nin Dios na naglinig saiya, patin nag-insulto kan Espiritu nin biyaya? Isip-isipa kun gurano kagabat an padusa na itatao saiya!

Judas 1:4

Huli ta may nagkapirang tawo na dai nagtutubod sa Dios an hilom na nakaayon sato, mga tawo na kaidto pa nakatalaan nang hukoman, mga mayong dios na ginigibong karompotan an biyaya nin satuyang Dios, asin isinisikwal ninda si Jesu-Cristo, an iyo sanang Kagrogaring saka Kagurangnan ta.

1 Samuel 3:14

Kaya isinusumpa ko sa pamilya ni Eli na mayo nin atang o dolot na makakatubos sa kasalan na ini.”