Levitico 15:27 - Marahay na Bareta Biblia

²⁷ Magigin maati an siisay man na makadotdot kan mga bagay na iyan, asin kaipuhan maglaba kan saiyang gubing asin magkarigos; siya magigin maati sagkod magbanggi.

Levitico 15:27 ပူးပေါင်းရင်းမြစ်များ

Ezekiel 36:25

Wiwirikan ko kamo nin malinig na tubig dangan magigin malinig na kamo sa gabos nindong dios-dios asin sa gabos na nakadigta sa saindo.

Ezekiel 36:29

Ililigtas ko kamo sa gabos na nakakadigta saindo. Pagbobotan ko an trigo na magdakul, tanganing dai na nanggad kamo magkaigwa nin gutom.

Levitico 11:24

An siisay man na makadotdot kan bangkay kan minasunod na mga hayop, magigin maati sagkod na magbanggi: an gabos na hayop na may kuku na bakong baak asin dai minasapa kan saindang pagkakan, sagkod an gabos na hayop na apat an bitis. An siisay man na magdara kan saindang bangkay kaipuhan maglaba kan saiyang gubing, alagad magigin maati man giraray siya sagkod magbanggi.

Levitico 15:13

Kun narahay na an lalaking may helang na turo, mahalat siya nin pitong aldaw bago siya maglaba kan saiyang gubing saka magkarigos sa preskong tubig nin burabod, asin magigin malinig na siya.

Levitico 15:21

An siisay man na makadotdot kan saiyang higdaan o kan ano man na saiyang tinukawan, kaipuhan na maglaba kan saiyang gubing saka magkarigos, asin siya magigin maati sagkod magbanggi.

Levitico 15:26

An arin man na higdaan na saiyang gamiton o an ano man na saiyang tukawan sa panahon na iyan, magigin maati.

Levitico 15:28

Kun tapos na an pag-awas kan dugo sa babae, mahalat pa siya nin pitong aldaw bago siya magigin malinig.

Zacarias 13:1

“Pag-abot kan panahon na iyan,” nagtataram an Kagurangnan nin mga hukbo, “bubukasan an sarong burabod tanganing linigan kaini kan saindang kasalan saka karigsokan an mga kapagarakian ni David asin an mga nag-eerok sa Jerusalem.

Mga Bilang 19:22

Magigin maati an anoman na kinapotan kan maating tawo asin an siisay man na kumapot kaiyan magigin maati sagkod pagkabanggi.

Hebreyo 10:22

Kaya magdolok kita sa Dios nin tudok sa puso asin may masarig na pagtubod. Dumolok kita saiya na may malinig na konsyensya huli ta lininig na an satong mga puso saka nahugasan na nin malinig na tubig an satong mga hawak.

Hebreyo 9:14

orog pang nakakalinig an dugo ni Cristo, na huli sa daing kataposan na Espiritu, nagdolot kan saiyang buhay bilang daing digtang atang sa Dios, sa paglinig kan satuyang konsyensya sa mga gibong mayo nin halaga tanganing makapaglingkod kita sa Dios na buhay.

1 Juan 1:7

Alagad kun nabubuhay kita sa liwanag—siring na an Dios nasa liwanag—may pagkasararo kita, asin an dugo ni Jesus na saiyang Aki an minalinig sato sa gabos na kasalan.