Levitico 14:7 - Marahay na Bareta Biblia

⁷ Dangan pitong beses niyang wiwirikan kan dugo an tawong lilinigan kan helang sa kublit, asin ipapahayag niyang malinig na ini. Pakatapos, papalayogon niya sa kaawagan an buhay na gamgam.

Levitico 14:7 ပူးပေါင်းရင်းမြစ်များ

2 Mga Hade 5:10

Pinaluwas ni Eliseo an sarong sorogoon tanganing magsabi, “Lakaw, maghugas ka nin pitong beses sa Salog nin Jordan asin an saimong kublit maoomayan saka magigin malinig.”

2 Mga Hade 5:14

Kaya naglugsot siya sa Jordan, luminadop nin pitong beses, sosog sa tataramon ni Eliseo asin an saiyang kublit nagin siring sa kublit nin sadit na aki; nagin malinig siya.

Salmo 51:2

Hugasi ako kan gabos kong karatan; linigi ako kan sakong mga kasalan!

Salmo 51:7

Halea an kasalan ko asin ako malilinigan; hugasi ako, asin magigin maputi ako siring sa ambon.

Isaias 52:15

Alagad ngunyan mangalas saiya an dakul na nasyon, asin sa pagngalas maalo an mga hade. Huli ta mahihiling ninda an dai pa ninda nabaretaan, asin masasabotan ninda an dai pa ninda nadangog.”

Ezekiel 36:25

Wiwirikan ko kamo nin malinig na tubig dangan magigin malinig na kamo sa gabos nindong dios-dios asin sa gabos na nakadigta sa saindo.

Daniel 9:24

“Kwatro syentos nubentang taon an itinalaan nin Dios sa pagtalingkas sa saimong banwaan saka sa saimong syudad sa kasalan asin sa karatan. Papatawadon an kasalan asin papadanayon an hustisya, tanganing patotoohan an bisyon saka an propesiya, asin konsagrahon giraray an banal na Templo.

Levitico 13:13

hihilingon man siya giraray kan padi. Kun mahiling na nakalakop na sa bilog na hawak an helang sa kublit, ipapahayag kan padi na malinig na an lalaki; kun nagputi na an bilog niyang kublit, malinig na siya.

Levitico 13:17

Hihilingon siya kan padi, asin kun puminuti an gatok, malinig na siya dangan ipapahayag iyan kan padi.

Levitico 14:51

Pakatapos, kukuahon niya an sedro, an isopo saka an mapulang pisi, patin an buhay na gamgam; ibubuntog niya an mga iyan sa dugo kan ginadan na gamgam asin sa tubig. Dangan pitong beses niyang wiwirikan kaini an harong.

Levitico 16:14

Makua siya kan dugo kan toro dangan sa paagi kan saiyang muro wiwirikan niya an atubangan kan takop asin pitong beses niyang wiwirikan an atubangan kan Kaban nin Tipan.

Levitico 16:19

Sa paagi kan saiyang muro, pitong beses niyang wiwirikan nin dugo an altar. Sa paaging ini, lilinigan niya an altar sa mga kasalan kan mga Israelita asin papakabanalon niya an altar.

Levitico 16:22

Dadarahon kan kanding an gabos nindang kasalan pasiring sa daga na mayo nin nag-eerok.

Levitico 4:17

idodotdot niya an saiyang muro sa dugo asin wiwirikan niya nin pitong beses an panlipod na kurtina kan santwaryo.

Levitico 4:6

Idodotdot niya an saiyang muro sa dugo dangan wiwirikan niya nin pitong beses an panlipod na kurtina kan santwaryo.

Levitico 8:11

Dangan kuminua siya nin kadikit kan lana asin pitong beses niyang winirikan an altar sagkod an mga kasangkapan kaini, an palanggana asin an tumbawan kaini, tanganing makonsagra man sa Kagurangnan.

Mikas 7:19

Maheherakan mo giraray kami. Titimaktimakan mo an samong mga kasalan dangan itatapok mo iyan sa kairaroman kan dagat!

Mga Bilang 19:12

Sa ikatolo asin sa ikapitong aldaw, kaipuhan linigan niya an saiyang sadiri kan tubig na panlinig dangan magigin malinig siya. Alagad kun dai niya linigan an saiyang sadiri sa ikatolo saka sa ikapitong aldaw, dai siya magigin malinig.

Juan 19:34

Alagad ginarod kan saro sainda an hirog ni Jesus; buminulos tolos an dugo asin tubig. (

Hebreyo 10:22

Kaya magdolok kita sa Dios nin tudok sa puso asin may masarig na pagtubod. Dumolok kita saiya na may malinig na konsyensya huli ta lininig na an satong mga puso saka nahugasan na nin malinig na tubig an satong mga hawak.

Hebreyo 12:24

Nagdolok kamo ki Jesus na iyo an tagapagultanan kan bagong tipan, asin sa iwinirik na dugo na igwang mas marahay na mga panuga ki sa panuga kan dugo ni Abel.

Hebreyo 9:13

Kun an pagwirik kan dugo nin kanding, toro saka abo nin tinutong na ogbon na baka nakakalinig sa mga tawong maati,

Hebreyo 9:19

Ipinahayag ngona ni Moises sa mga tawo an mga pagboot kan Katogonan. Pakatapos, nagkua siya nin dugo kan mga toro saka mga kanding, sinalakan niya iyan nin tubig dangan winirikan an libro kan Katogonan patin an gabos na tawo sa paagi kan paggamit nin telang lana saka sarong sanga nin isopo.

Hebreyo 9:21

Siring man, winirikan ni Moises kan dugo an tolda sagkod an gabos na kagamitan sa pagsamba.

Hebreyo 9:26

Ta kun arog kaiyan, dakul na beses man kutana siyang nagtios poon na lalangon an kinaban. Alagad sarong beses sana nanggad siyang nagpahiling ngunyan na madali nang umabot an kataposan kan panahon, tanganing paraon an mga kasalan sa paagi kan pag-atang kan sadiri niya.

1 Pedro 1:2

Pinili kamo nin Dios Ama siring sa plano niya kaidto pa, asin kinonsagra kamo kan saiyang Espiritu tanganing magkuyog kamo ki Jesu-Cristo saka malinigan kamo kan saiyang dugo. Mapasaindo logod an nagsusupay na biyaya asin katoninongan.

1 Juan 5:6

Si Jesu-Cristo an nagdigdi huli sa tubig asin sa dugo; nagdigdi siya bako sanang huli sa tubig nin saiyang bunyag, kundi huli man sa dugo nin saiyang kagadanan.