Levitico 14:43 - Marahay na Bareta Biblia

⁴³ Kun maglataw giraray an alamag sa laog kan harong pakatapos na haraleon an mga gapong nakapotan asin pakatapos na karosan an bilog na laog kan harong dangan mabagohan an palitada,

Levitico 14:43 ပူးပေါင်းရင်းမြစ်များ

Ezekiel 24:13

Jerusalem, an takla mo iyo an saimong marompot na gibo. Maski hiningowa kong malinigan ka, nagdanay kang maati. Dai ka na nanggad malilinigan sagkod na mamatean mo an bilog kong kaanggotan.

Levitico 14:42

Dangan riribayan ninda nin ibang gapo an mga gapong hinarale, asin papalitadahon giraray ninda an mga lanob na kinarosan.

Levitico 14:44

maduman an padi asin hihilingon iyan. Kun naglakop sa harong an alamag, maati an harong;

Levitico 14:48

Kun sa masunod na paghiling kan padi, pakatapos na palitadahon an harong, dai na nagtunga an alamag, ipapahayag kan padi na malinig na an harong huli ta nahale na an gabos na alamag.

2 Pedro 2:20

Kun an sarong tawo nakadulag na sa karatan kaining kinaban, huli sa pakaaram niya dapit ki Jesu-Cristo na satong Kagurangnan saka Paraligtas, dangan magpadakop giraray asin magpadaog sa mga karatan na iyan, an siring na tawo mahuhulog sa mas maraot na kamugtakan ki kan enot.

2 Pedro 2:22

An nangyari saiya nagpapatotoo sa kasabihan, “An ayam minabalik giraray sa isinuka niya,” asin “An orig na lininigan na, minaligid sa lamaw.”

Judas 1:12

Sinda mga digta sa saindong mga bangketeng sa magturugang, huli ta sobra sindang magkakan saka magburat. An para sainda sana an inaasikaso ninda. Garo sinda mga panganoron na pinapalid nin doros alagad mayong darang uran. Garo sinda mga kahoy na dai nagbubunga, maski tigbungahan; mga kahoy na ginabot sagkod an gamot asin talagang alang na.