Levitico 14:4 - Marahay na Bareta Biblia

⁴ pagbobotan kan padi an mga tawo na magdara nin duwang buhay saka malinig na gamgam, sarong sadit na pedaso nin kahoy na sedro, sarong pulang pisi asin sarong sanga kan isopo para sa tawong lilinigan.

Levitico 14:4 ပူးပေါင်းရင်းမြစ်များ

Salmo 51:7

Halea an kasalan ko asin ako malilinigan; hugasi ako, asin magigin maputi ako siring sa ambon.

Exodo 12:22

Kumua kamo kan sanga nin isopo, ibuntog nindo iyan sa dugo na nasa palanggana, asin ilahid sa mga hamba saka sa itaas kan mga pinto. Dangan mayo na sa saindong magluwas sa harong sagkod mag-aga.

Levitico 1:14

Kun an saiyang idodolot bilang tinutong na atang sarong gamgam, kaipuhan na magdara siya nin agbaan o salampati.

Levitico 12:8

Kun dai niya kayang magdolot nin sarong karnero, madara siya nin duwang salampati o duwang agbaan, an saro para sa tinutong na atang, asin an saro para sa dolot para sa kasalan; gigibohon kan padi an seremonya sa paghale kan saiyang pagkanimaati dangan siya magigin malinig.

Levitico 14:5

Dangan ipapagadan kan padi an saro sa duwang gamgam sa tangod kan sarong dalipay na mangko na igwa nin tubig na hale sa burabod.

Levitico 14:6

Pakatapos, kukuahon niya an ikaduwang gamgam asin ibubuntog sa dugo kan ginadan na gamgam, kaiba an pedaso nin kahoy na sedro, an pulang pisi asin an isopo.

Levitico 5:7

Alagad kun dai niya kayang magdolot nin karnero o kanding bilang kabayadan kan saiyang kasalan, madara siya sa Kagurangnan nin duwang salampati o agbaan; an saro kaiyan bilang dolot para sa kasalan asin an saro bilang tinutong na atang.

Mga Bilang 19:18

Sa enot na kaso, an sarong malinig na tawo iyo an makua nin sanga nin isopo, ibubuntog niya iyan duman sa tubig, asin wiwirikan niya an tolda, an mga kagamitan sagkod an mga tawong yaon duman. Sa ikaduwang kaso, wiwirikan nin sarong malinig na tawo an nagduta sa tolang nin tawo, sa bangkay o sa lulubngan.

Mga Bilang 19:6

Dangan makua siya nin kahoy na sedro, sarong sanga nin isopo, asin sarong pulang lubid; an mga iyan itatapok niya sa kalayong pinagtututongan kan baka.

Hebreyo 9:19

Ipinahayag ngona ni Moises sa mga tawo an mga pagboot kan Katogonan. Pakatapos, nagkua siya nin dugo kan mga toro saka mga kanding, sinalakan niya iyan nin tubig dangan winirikan an libro kan Katogonan patin an gabos na tawo sa paagi kan paggamit nin telang lana saka sarong sanga nin isopo.