Levitico 14:34 - Marahay na Bareta Biblia

³⁴ an minasunod na pagsusundon manongod sa mga harong na naolakitan kan naglalakop na alamag. (An mga ini susunodon kan banwaan nin Israel pakalaog ninda sa Canaan, an daga na itatao sainda nin Kagurangnan bilang saindang pagsadiri).

Levitico 14:34 ပူးပေါင်းရင်းမြစ်များ

Genesis 12:7

Nagpahiling an Kagurangnan ki Abram asin nagtaram saiya, “Iyo ini an daga na itatao ko sa saimong mga kapagarakian.” Kaya naggibo siya duman nin altar para sa Kagurangnan na nagpahiling saiya.

Genesis 13:17

Lakaw asin hilinga an bilog na daga ta itatao ko gabos iyan saimo.”

Genesis 17:8

Itatao ko saimo asin sa saimong mga kapagarakian an dagang ini, saen saro kang dayuhan ngunyan. An bilog na Canaan masasadirihan kan saimong mga kapagarakian sagkod pa man, asin ako an magigin Dios ninda.”

Exodo 15:26

Nagtaram siya, “Kun bilog na puso nindo akong susunodon huli kan paggibo nin matanos asin huli sa pag-otob kan sakong mga togon saka mga pagboot, dai ko kamo papadusahan kan arin man sa mga kahelangan na ipinadara ko sa mga Egipcio. Ako, an Kagurangnan an saindong parabolong.”

Mga Talinhaga 3:33

An maldisyon nin Kagurangnan yaon sa harong kan maraot, alagad benebendisyonan niya an erokan kan matanos.

Isaias 45:7

Linalalang ko an liwanag saka an kadikloman; nagpapadara ako nin bendisyon saka kapahamakan. Ako, an Kagurangnan, an naggigibo kan gabos na iyan.

Levitico 14:33

Itinao nin Kagurangnan ki Moises saka ki Aaron

Levitico 14:55

manongod sa mga gatok, sa mga pigsa asin sa mga alamag.

Levitico 20:24

Ipinangako ko saindo an mayaman saka matubang na dagang ini na magin sadiri nindo, asin itatao ko iyan saindo. Ako an Kagurangnan na saindong Dios, asin linaen ko kamo sa ibang mga nasyon.

Levitico 23:10

“Sabihan mo an banwaan nin Israel na kun maglaog na kamo sa dagang itinatao ko saindo asin mag-ani na kamo, dadarahon nindo sa padi an enot na ginuygoy kan enot nindong inani.

Levitico 25:2

“Sabihan mo an banwaan nin Israel na paglaog nindo sa dagang itatao ko saindo, maotob kan Sabbath nin Kagurangnan an daga.

Amos 3:6

Dai daw natatakot an mga tawo kun pinapatanog an panggerang trompeta sa laog nin syudad? Minaabot daw an kapahamakan sa sarong syudad kun dai iyan ipinadara nin Kagurangnan?

Amos 6:11

Kun itao na nin Kagurangnan an pagboot, magkakaroronot an mga harong, dakula man o sadit.

Mikas 6:9

Marahay an magkaigwa nin takot sa Kagurangnan. Nag-aapod siya sa syudad, “Pagdangog kamo na mga tawong nagtitiripon sa syudad!

Zacarias 5:4

Nagtataram an Kagurangnan nin mga hukbo na papaluwason niya an maldisyon na ini, asin malaog iyan sa harong kan lambang mahabon asin lambang parasaksi nin putik; maontok iyan sa saindang mga harong dangan mahale kun gaba na an mga harong.”

Mga Bilang 32:22

asin masadirihan an daga. Pakatapos kaiyan, pwede na kamong magpuli, huli ta naotob na nindo an saindong katongdan sa Kagurangnan asin sa saindong kapwa Israelita. Dangan mimidbidon nin Kagurangnan na an dagang ini sa sirangan nin Jordan kahirasan nindo.

Mga Bilang 32:32

Mabalyo kami pasiring sa Canaan asin makikigera tanganing danay na masadirihan mi an samong kahirasan digdi sa sirangan kan Jordan.”

Mga Bilang 35:10

na sabihan an banwaan nin Israel: “Pagbalyo nindo sa Salog nin Jordan asin paglaog nindo sa daga nin Canaan,

Deuteronomio 12:1

“Uya an mga pagboot na kukuyogon nindo sa bilog nindong pagkabuhay duman sa daga na itinatao saindo nin Kagurangnan, an Dios kan saindong mga ginikanan. Dangoga nindo an mga ini!

Deuteronomio 19:1

“Kun tunawon na nin Kagurangnan na saindong Dios an mga tawo, na kagsadiri kan daga na itatao niya saindo, asin kun masadirihan na nindo an saindang mga syudad saka mga harong dangan mag-erok na kamo duman,

Deuteronomio 26:1

“Kun masakop na nindo an daga na itinatao saindo nin Kagurangnan na saindong Dios, asin kun duman na kamo nag-eerok,

Deuteronomio 27:3

asin duman nindo isusurat an gabos na togon saka katukdoan. Kun makalaog na nindo an daga na ipinanuga nin Kagurangnan, an Dios kan saindong mga ginikanan, daga na mayaman sa gabos na bagay,

Deuteronomio 32:49

“Magduman ka sa kabukidan nin Abarim, sa daga nin Moab na kahampang kan syudad nin Jerico. Magtukad ka sa Bukid nin Nebo dangan tanawon mo an daga nin Canaan na itatao ko sa banwaan nin Israel.

Deuteronomio 7:15

Irarayo kamo nin Kagurangnan sa anoman na kahelangan asin dai niya kamo papadarahan kan mga helang na nasaksihan nindo duman sa Egipto, alagad ipapadara niya iyan sa saindong mga kaiwal.

Josue 13:1

Gurang nang marahay si Josue. Tinaraman siya nin Kagurangnan, “Gurang ka nang marahay alagad dakula pa an daga na sasakopon:

1 Samuel 2:6

An Kagurangnan an minagadan asin minabuhay liwat; isinosobol niya an mga tawo sa Sheol asin binubuhay giraray.