Levitico 14:22 - Marahay na Bareta Biblia

²² Madara man siya nin duwang salampati o duwang agbaan, an saro para sa dolot para sa kasalan dangan an saro para sa tinutong na atang.

Levitico 14:22 ပူးပေါင်းရင်းမြစ်များ

Salmo 68:13

mga ladawan nin salampati na patos nin plata, na an mga pakpak nagsisilyab huli ta patos nin purong bulawan. (Tadaw ta an iba saindo nagpawalat sa kulungan nin karnero sa aldaw nin gera?)

Awit nin mga Awit 2:14

Nakakaagid ka sa salampating nagtatago sa gutak nin sarong gapo. Pahilingan sako an magayon mong lalawogon asin padangogan sako an nakakabihag mong tingog.

Isaias 38:14

Sadit asin maluya an sakong tingog, asin nag-aguro ako arog sa sarong salampati. Napagal an sakong mga mata sa kahihiling sa langit. Kagurangnan, ligtasan ako sa gabos na kasakitan na ini.

Isaias 59:11

Nag-uungal kami na garo oso; nag-aaguro kami na garo mga salampati. Hinahalat mi an Dios na iligtas kami sa pang-aapi asin sa karatan, alagad mayong nangyayari.

Jeremias 48:28

“Kamong mga nag-eerok sa Moab, magharale kamo sa saindong mga banwa! Lakaw saka mag-erok kamo sa kagapoan! Arogon nindo an mga salampati na naggigibo nin salagan sa mga gilid kan ampas.

Ezekiel 7:16

An nagkapira makakadulag pasiring sa kabukidan siring sa mga salampating tinakot sa mga kapantayan. Sinda gabos mag-aagrangay para sa saindang mga kasalan.

Levitico 14:21

Kun dukha an tawong iyan asin dai makakatao kan tamang dolot, madara sana siya nin sarong lalaking kordero para sa paglinig saiya bilang dolot nin kabayadan, na iiitaas sa Kagurangnan bilang sarong espesyal na regalo para sa padi. Madara man siya nin saro sanang kilo nin arina na sinalakan nin lana nin oliba para sa dolot na pagkakan asin ikatolong parte nin sarong litro kan lana nin oliba.

Levitico 14:24

Kukuahon kan padi sa saiya an kordero saka an lana nin oliba dangan iiitaas an mga iyan sa Kagurangnan bilang sarong espesyal na regalo para sa padi.

Levitico 15:14

Sa ikawalong aldaw, madara siya nin duwang salampati o duwang agbaan sa pintoan kan Tabernakulo dangan itatao niya an mga gamgam sa padi.

Levitico 5:7

Alagad kun dai niya kayang magdolot nin karnero o kanding bilang kabayadan kan saiyang kasalan, madara siya sa Kagurangnan nin duwang salampati o agbaan; an saro kaiyan bilang dolot para sa kasalan asin an saro bilang tinutong na atang.

Mga Bilang 6:10

Sa ikawalong aldaw madara siya sa padi nin duwang salampati o duwang agbaan sa may pintoan kan Tabernakulo.