Levitico 14:18 - Marahay na Bareta Biblia

¹⁸ An matada kan lana na yaon sa saiyang palad, ilalahid niya sa payo kan tawong linilinigan. Sa paaging ini gigibohon kan padi an seremonya nin paglinig.

Levitico 14:18 ပူးပေါင်းရင်းမြစ်များ

Exodo 29:7

Dangan kuahon mo an lana, iula mo sa saiyang payo asin lahidan mo siya.

Levitico 14:17

Pakatapos, makua siya nin kadikit na lana sa saiyang palad saka kadikit na dugo kan kordero, dangan ilalahid niya an mga ini sa hikawan kan toong talinga kan linilinigan, sa tanggurangan kan too niyang kamot asin sa tanggurangan kan too niyang bitis.

Levitico 15:15

An saro kaiyan idodolot kan padi bilang dolot para sa kasalan asin an saro bilang tinutong na atang. Sa paaging iyan gigibohon kan padi an seremonya nin paglinig para sa nasabing lalaki.

Levitico 4:20

Iyo iyan an gigibohon niya sa hayop, arog kan ginigibo niya sa hayop na idinolot para sa kasalan; sa paaging iyan, idodolot kan padi an atang para sa kasalan kan mga tawo asin papatawadon sinda.

Levitico 4:26

Pakatapos, susuloon niya sa altar an gabos na taba arog kan ginigibo niyang pagsulo kan taba kan mga hayop na binubuno para sa dolot para sa katoninongan. Sa paaging ini, idodolot kan padi an atang para sa pamayo kan banwaan asin papatawadon siya.

Levitico 4:31

Dangan hahaleon niya an gabos na taba, siring kan paghale niya sa taba kan mga hayop na binubuno bilang atang para sa katoninongan, asin tututongon niya iyan sa altar. An parong kaiyan nawiwilihan nin Kagurangnan. Sa paaging ini, idodolot kan padi an atang para sa kasalan kan nasabing tawo asin papatawadon siya.

Levitico 4:35

Pakatapos, hahaleon niya an gabos na taba, siring kan paghale niya sa taba kan karnerong binuno bilang dolot para sa katoninongan, asin tututongon niya iyan duman sa altar kaiba kan mga dolot na pagkakan na itinatao sa Kagurangnan. Sa paaging ini, idodolot kan padi an atang para sa kasalan kan nasabing tawo asin papatawadon siya.

Levitico 5:16

Babayadan niya an saiyang utang saka matao pa siya nin dagdag na beynte porsyento. Itatao niya iyan sa padi na iyo an madolot kan hayop bilang atang para sa saiyang kasalan, asin papatawadon siya.

Levitico 8:12

Pakatapos, inulaan niya kan lana an payo ni Aaron sa pag-orden saiya.

Mga Bilang 15:28

Sa atubangan nin Kagurangnan, gigibohon kan padi an seremonya nin paglinig tanganing linigan an tawo kan saiyang kasalan dangan papatawadon siya.

Hebreyo 2:17

Nangangahulogan na dapat siyang magin arog kan saiyang mga tugang sa gabos na bagay, tanganing siya magin maheherakon saka maimbod na Halangkaw na Padi sa saiyang paglingkod sa Dios, tanganing mapatawad an mga kasalan kan mga tawo.