Levitico 14:14 - Marahay na Bareta Biblia

¹⁴ Makua an padi nin kadikit na dugo kan kordero dangan lalahidan niya kaini an hikawan kan toong talinga kan linilinigan, an tanggurangan kan too niyang kamot, saka an tanggurangan kan too niyang bitis.

Levitico 14:14 ပူးပေါင်းရင်းမြစ်များ

Exodo 29:20

Bunoon mo an karnero, kumua ka nin dikit na dugo kaini asin lahidan mo an hikawan kan toong talinga ni Aaron sagkod kan saiyang mga aki, asin an tanggurangan kan saindang toong kamot saka kan saindang toong bitis. An ibang dugo iula mo sa apat na gilid kan altar.

Isaias 1:5

Tadaw ta padagos kang nagrerebelde? Boot mo pang madugangan an saimong padusa? Makulog an bilog mong payo, nanluluya an puso mo.

Levitico 14:19

Dangan idodolot kan padi an dolot para sa kasalan asin gigibohon niya an seremonya nin paglinig. Pakatapos, bubunoon niya an hayop para sa tinutong na atang;

Levitico 14:25

Bubunoon niya an kordero asin makua siya nin kadikit na dugo na saiyang ilalahid sa hikawan kan toong talinga kan linilinigan, sa tanggurangan kan too niyang kamot, asin sa tanggurangan kan too niyang bitis.

Roma 12:1

Kaya, mga tugang, huli sa dakulang pagkaherak nin Dios sato, nakikiolay ako saindo: Idolot nindo sa Dios an sadiri nindong hawak bilang sarong buhay na atang, banal asin maaako niya. Ini an tunay na pagsamba na dapat nindong itao sa Dios.

Roma 6:13

Dai nindo ipaghunod an anoman na kabtang kan saindong hawak sa kasalan bilang kasangkapan sa paggibo nin karatan, kundi idusay nindo an saindong buhay sa Dios bilang mga tawong nagadan alagad binuhay liwat. Idolot nindo saiya an bilog nindong buhay bilang kasangkapan sa paggibo nin katanosan.

Roma 6:19

Mga simpleng tataramon sana an ginagamit ko huli kan saindong kaluyahan.) Kun kaidto ihinunod nindo an saindong hawak sa mga kadustaan saka nagin orog kamo karaot, ngunyan kaipuhan idusay nindo an saindong hawak sa katanosan para sa mga banal na katuyohan.

1 Corinto 6:20

kundi pagsadiri nin Dios;—mahal an pagkabakal niya saindo. Kaya gamiton man nindo an saindong hawak para sa kamurawayan nin Dios.

2 Corinto 7:1

Namomotan kong mga tugang, an gabos na panugang ini para sato. Kaya linigan ta an satong sadiri sa mga bagay na nakakaati sa satong hawak asin kalag. Mamuhay kitang tunay na banal, na may pagkatakot sa Dios.

Deuteronomio 24:8

“Kun magkahelang kamo nin nakakatakot na helang sa kublit, kaipuhan otobon nindo an hatol kan mga pading Levita; sunodon nindo an mga katukdoan na itinao ko sainda.

Filipos 1:20

An minamawot ko asin linalaom iyo na dai nanggad ako magkulang sa sakong katongdan kundi magin maisog sa gabos na oras, orog na ngunyan, tanganing an bilog kong pagkatawo, sa buhay o sa kagadanan, makatao nin kaomawan ki Cristo.

1 Pedro 2:5

Magdolok kamo bilang mga buhay na gapo tanganing magamit sa pagtugdok kan espiritwal na templo; maglilingkod kamo bilang mga banal na padi, na magdodolot nin mga atang na espiritwal, na ikakaogma nin Dios huli ki Jesu-Cristo.