Levitico 11:45 - Marahay na Bareta Biblia

⁴⁵ Ako an Kagurangnan na nagluwas saindo sa daga nin Egipto tanganing ako an magin Dios nindo. Kaya magin banal kamo, huli ta ako banal.

Levitico 11:45 ပူးပေါင်းရင်းမြစ်များ

Genesis 17:7

“Ootobon ko an panuga ko saimo asin sa saimong mga kapagarakian sa mga maabot na henerasyon bilang sarong daing kataposan na tipan. Ako an magigin Dios mo asin kan saimong mga kapagarakian.

Exodo 19:10

Tinaraman siya nin Kagurangnan, “Magduman ka sa mga tawo asin sabihan mo na maglinig sinda ngunyan sagkod sa aga. Palabahan mo sainda an saindang mga gubing

Exodo 19:6

Kamo magigin kahadean nin mga padi asin sarong banal na nasyon para sa sako. Ini an itaram mo sa mga Israelita.”

Exodo 20:2

“Ako an Kagurangnan na saindong Dios na nagdara saindo sa luwas kan daga nin Egipto, sa luwas kan harong nin kaoripnan.

Exodo 22:30

Itao man nindo sakuya an matua kan saindong mga baka asin mga karnero; pitong aldaw an hayop sa kaibahan nin saiyang ina, dangan sa ikawalong aldaw itao nindo iyan sako.

Exodo 6:7

Kamo an magigin banwaan ko asin ako an magigin Dios nindo. Mamimidbid nindo na ako an Kagurangnan, an saindong Dios, na naghale sa saindo sa pang-ooripon kan mga Egipcio.

Oseas 11:1

Nagsasabi an Kagurangnan, “Kan an Israel aki pa, namotan ko siya, asin bilang aki kong lalaki inapod ko siya paluwas sa Egipto.

Levitico 11:44

Ako an Kagurangnan na saindong Dios; kaipuhan na kamo magin banal huli ta ako banal.

Levitico 11:46

Iyo ini an pagsusundon manongod sa mga hayop saka mga gamgam, manongod sa gabos na nabubuhay sa tubig asin sa gabos na naghihiro sa ibabaw nin daga.

Levitico 19:2

na sabihan an komunidad nin Israel, “Magin banal kamo, huli ta ako, an Kagurangnan na saindong Dios, banal.

Levitico 19:36

Gamiton nindo an tamang sukol, tamang timbang asin tamang bilang. Ako an Kagurangnan na saindong Dios na nagluwas saindo hale sa Egipto.

Levitico 20:7

Kaya magpakabanal kamo huli ta ako an Kagurangnan na saindong Dios.

Levitico 22:33

Ako an kuminua saindo hale sa Egipto tanganing magin saindong Dios. Ako an Kagurangnan.”

Levitico 25:38

Ako an Kagurangnan na saindong Dios, na kuminua saindo hale sa daga nin Egipto tanganing itao saindo an daga nin Canaan asin tanganing ako an magin Dios nindo.

Levitico 26:45

Babagohon ko an tipan na sakuyang ginibo sa saindang mga ginikanan kan ipahiling ko sa gabos na nasyon an sakong kapangyarihan sa pagpaluwas sa sakong banwaan hale sa Egipto tanganing ako, an Kagurangnan, magin saindang Dios.”

Mga Bilang 15:40

An mga kordon iyo an magpapagiromdom saindo sa pagkuyog kan gabos kong pagboot, asin magigin banal kamo para sa saindong Dios.

1 Tesalonica 4:7

Inapod kita nin Dios sa buhay na may kabanalan, bakong sa karigsokan.

Josue 24:19

Nagsabi si Josue sa mga Tawo, “Alagad tibaad dai kamo makapaglingkod sa Kagurangnan. Siya sarong Dios na banal; sarong maimon na Dios. Dai niya mapapatawad an saindong mga kasalan asin kasombikalan.

1 Pedro 1:16

Siring sa nasusurat, “Magpakabanal kamo huli ta ako banal.”

1 Samuel 2:2

“Mayong arog kabanal ki sa Kagurangnan; mayo nin siisay man, kundi siya sana, mayong parasurog na arog sa satong Dios.

1 Samuel 6:20

Kaya nagsarabi an mga taga Bet-semes, “Siisay an makakatindog sa atubangan nin Kagurangnan, ining banal na Dios? Saen ta siya pwedeng ipadara tanganing magin harayo sato?”