Levitico 11:42 - Marahay na Bareta Biblia

⁴² nagkakamang man o naglalakaw sa paagi nin apat o dakul na bitis, huli ta maati an mga iyan.

Levitico 11:42 ပူးပေါင်းရင်းမြစ်များ

Genesis 1:20

Dangan nagboot an Dios, “Magkaigwa nin manlaen-laen na may buhay an katubigan asin nin manlaen-laen na gamgam an kaitaasan.”

Isaias 65:25

Sabay na magkakakan an lalaw na ayam saka an kordero; magkakakan nin dagami an leon siring kan baka, asin dai na mangangagat an halas. Sa Sion, an sakong banal na bulod, mayo nin anoman na makakakulog o makakaraot.”

Levitico 11:41

Dai kamo magkakan kan arin man na saradit na hayop sa daga,

Levitico 11:43

Hare kamo pagkakan kan arin man kaiyan tanganing dai man kamo magin maati.

Mikas 7:17

Makamang sinda sa alpog arog sa mga halas; maabot sinda hale sa saindang mga bantayan na nagtatakig saka natatakot. Sa katakotan, madolok sinda sa Kagurangnan na samong Dios.

Mateo 23:23

“Herak man saindo, mga paratukdo kan Katogonan asin mga Fariseo! Mga parasagin-sagin! Nagtatao kamo sa Dios nin himoloan maski kan tinanom na panrekado siring kan anis, pamyenta asin komino. Alagad dai nindo kinukuyog an mas mahalagang katukdoan sa Katogonan arog kan katanosan, pagkaherak asin pagtubod. Ini an dapat nindong gibohon, dangan dai man nindo pagpabayaan an iba.

Mateo 3:7

Kan mahiling ni Juan na dakul na Fariseo asin Saduceo an nag-abot tanganing magpabunyag, sinabihan niya sinda, “Mga rimoranon! Siisay an nagsabi saindo na makakadulag kamo sa maabot na padusa nin Dios?

Juan 8:44

Mga aki kamo kan saindong ama, an Diablo; kun ano an boot niya iyo an ginigibo nindo. Paragadan siya poon pa sa kapinonan asin kaiwal niya an katotoohan, huli ta dai nanggad siya nagtataram kan katotoohan. Nasa naturalesa niya an pagputik huli ta putikon siya asin siya an ama nin kaputikan.

2 Corinto 11:13

An mga tawong iyan bakong tunay na mga apostol kundi mga madayang trabahador, parasagin-sagin na mga apostol ni Cristo.

2 Corinto 11:3

Alagad natatakot ako na tibaad arog ki Eva na nadaya kan katusohan kan halas, an saindong mga isip mapasuhay sa tunay saka totoong debosyon ki Cristo.

Tito 1:12

Sarong propeta na taga Creta mismo an nagsabi, “An mga taga Creta talagang putikon, sa hayop an ugale, hugakon na paslo.”